အသစ်နေ့..ဆီ

 ကြာမြင့်ခဲ့ပြီဖြစ်သော အချိ်န်ကာလများသည် သူမ၏စိတ်ဒဏ်ရာကို ကုစားနိုင်လိမ့်မည်ဟု မျှော်လင့်ခဲ့သောသူမ မျက်ဝန်းအိမ်များမှာတော့ အရောင်မှေးမှိန်နေဆဲ.. တစ်စုံတစ်ရာတောက်ပမှုတို့ကင်းဆဲ..ဒီနေရာလေးမှာသူမထိုင်နေခဲ့သည်မှာလည်းနာရီပေါင်းများစွာကြာမြင့်လို့နေခဲ့..တစ်ယောက်သောသူသည်သူမ အိမ်ပြန်အလာကို မျှော်လင့်ကောင်းမျှော်လင့်နေလိမ့်မည်.. သို့သော်မသေချာ...အားတင်းပြီး ထရန်ဟန်ပြင်တိုင်း ပင်ပန်းနွမ်းနယ်မှုတို့ကြောင့်တစ်ကိုယ်လုံးလေးလံလို့နေလေသည်။ စိတ်ရောကိုယ်ပါ ပင်ပန်းနွမ်းနယ်မှုဆိုလျှင် ပို မှန် မည်.. ခုံတန်းပေါ်တင်းထားသော လက်များကတော့ မလှုပ်မရှပ် အေးစက်စက်.။ မိုးရွာတော့မည်လား...သူမအိမ်ပြန်ရမည်..ဟုတ်သည်....အို...မဟုတ်ပါဘူး..အိမ်နှင့်တူသောနေရာသို့သာပါ...ရာသီဥတုသုံးပါးဒဏ်၊ ခိုးသားဓားပြဒဏ် မှလွဲ၍ သူမလိုအပ်သောအရာများပေးစွမ်းနိုင်ခြင်းမရှိသော အိမ်နှင့်တူသော အိမ်ရယ်ပါ...ထိုအိမ်သို့ပြန်ရောက်လျှင် ခေါက်ရိုးကျိုးနေသော လုပ်နေကျ အလုပ်များဖြင့်သာရှုပ်နေလိမ့်ဦးမည်.. အရင်ရောက်နှင့်နေလိမ့်မည်ဖြစ်သောသူတစ်ယောက်ကတော့ သူမကိုနှုတ်ဆက်စကားစဆိုမည်.. ပြီးလျှင်သူမ၏ဆံစတို့ကိုပယ်ကာနဖူးပြင်ကိုခပ်ဖွဖွအထိအတွေ့ကလေးတစ်ခုခြွေမည်.သူဘာမှမဖြစ်ခဲ့သလို ဘာကိုမှမပြောခဲ့သလို ခပ်မဆိတ်နေမည်..ဒါဆိုရင် ဖြစ်နေသောပြဿနာဖြေရှင်းပြီးပြီဟုသူထင်လေသလား..

"မင်းတောင်းဆိုတဲ့အရာတွေကို မပေးနိုင်ဘူးဆိုရင်ရော"

ထားပါလေ ဆက်မတွေးဖို့ဆုံးဖြတ်လိုက်ပြီ...ငယ်သူငယ်ချင်းတစ်ယောက်နှင့် စာအပြန်အလှန်ပို့တိုင်း သူမကိုပြောလေ့ရှိသည်..

"နင်ဒီလိုဖြစ်နေတာတွေဟာ အခုမှစဖြစ်တာမဟုတ်ဘူး..ဟိုးအရင်ကတည်းက ဒါကိုနင်သိစမ်းပါ..မြင်အောင်ကြည့်စမ်းပါ" တဲ့... ဘာကိုဆိုလိုချင်ပါလိမ့်..သံသရာကြီးနှင့်ချည်ကာ ပြောချင်နေခြင်းဖြစ်လိမ့်မည်.. သူငယ်ချင်းကသူတတ်နိုင်သလောက် သူမကိုအားပေးနှစ်သိမ့်နေခြင်းပင်....ဒါဆိုလျှင်သူမဘာတွေလုပ်ခဲ့ပြီးပြီလဲ.. အခုလိုဖြစ်နေတာတွေကရော ပြုခဲ့မိသော အကြောင်းများရဲ့အကျိုးတရားရလာဒ်တွေများလား..ဖြစ်ပြီးခဲ့သောအတိတ်တို့သည်မပီပြင်...ဆက်ရမည့်ခရီးသည်လည်းဝိုးတဝါး..ဒါဆိုရင် အခုရောက်ရှိနေသာကာလကရော.... မစဉ်းစားချင်တော့..

ခပ်လှမ်းလှမ်းမှပျော်ရွှင်မြူးတူးစွာရေဆော့ကစားနေသာကလေးငယ်သည် ကစားသည်မှရပ်ကာ သူမကိုငေးကြည့်နေလေသည်..သူမနှင့်အတန်ကြာမျက်လုံးချင်းဆုံကာ သူမ၏ဝေဝါးနေသော ဘာသာ ခံစားချက်များကို ဝေမျှခံစားပေးနေဟန်ရှိသည်... သူမနှင့်အတော်ကလေးလှမ်းသောနေရာတွင် ကစားခုန်စားနေကြသော ကလေးငယ်တို့ရယ်မောပျော်မြူးသံများသည် ပို၍ပို၍ကျယ်ကာလာသယောင်...သူတို့လေးတွေရဲ့မျက်နှာကလေးများ သည် တစ်ဖြည်းဖြည်းချင်း ဆင်တူလာကာ သိပ်ရင်းနှီးသောမျက်နှာကလေးတစ်ခုတည်းအသွင်သို့...နောက်တော့ အပြစ်ကင်းစင်သော သည်းလှိုက်အူလှိုက်ရယ်သံလေးတစ်ခု... ထိုခိုးခိုးခစ်ခစ်ရယ်သံလေးများကြားမှာတော့ နှစ်လိုဖွယ်အပြုံးကလေး.. အို...ချစ်စရာပင်ကောင်းသေးတော့..တောက်ပနေသောမျက်လုံးကျဉ်းကလေးတစ်စုံကပါလိုက်ကာရယ်နေသေးတော့လေ...

" ကိုယ်တို့ဒီမြို့မှာ အခြေချမှာမဟုတ်ဘူးလေ နုနယ်သေးတဲ့ကလေး သေးသေးကလေးကိုဒီကိုခေါ်ထားလို့ မဖြစ်သေးဘူး.. ကိုယ်တို့ ကိုယ်တိုင်တောင်အခြေမကျသေးတာ.. သူဒုက္ခရောက်လိမ့်မယ်.. အချိန်ခဏကလေးစောင့်ပါ ကိုယ်တို့ ရင်ခွင်ထဲပြန်ရောက်လာရမှာပေါ့ "

မဟုတ်ဘူး..သူပြောတာတွေ ဘယ်တော့မှအခြေအမြစ်မရှိဘူး....သူဘယ်လောက်အချိန်တွေကြာအောင်သူမကိုညှင်းပန်းထားဦးမှာလဲ..ဒီလိုကတိတွေကို သူက အထပ်ထပ်ပေးတတ်သူရယ်လေ...အာခေါင်တို့ခြောက်သွေ့ကာလာသည်...အားကုန်ညှစ်ကာအော်ကြည့်သည်..ညသည်ပို၍နက်ကာ လမ်းပေါ်တွင် လူသူတစ်ပါးမတွေ့ရ....သူမအိမ်ပြန်မရောက်သေးဘူးလား...

"ရော့...ရေသောက်လိုက်..အဖျားသိပ်ကြီးပြီးညည်းနေလိုက်တာ..ကိုယ့်ကုိုယ်ကိုဂရုစိုက်မှပေါ့..ထီးပါရဲ့သားနဲ့မိုးရွာထဲ ထီးမဆောင်းပဲပြန်လာတာဒီတစ်ခါနောက်ဆုံးဖြစ်ပါစေ..အနည်းဆုံးတော့မင်းသိပ်ချစ်ပါတယ်ဆိုတဲ့သူကလေးရောက်လာရင် ဂရုစိုက်နိုင်အောင်ပေါ့ 

သူပြောသလိုဆို အနှီသူမသေးသေးကလေးရောက်လာဖို့ မျှော်လင့်ချက်ရှိသေးသည်ထင်သည်...ဒါဆိုရင်အုန်းပင်ပုပုကလေးများစီတန်းနေသောလမ်းကလေးအဆုံး၌တည်ရှိနေသော သူမ၏အိမ်ကလေးဝယ် တစ်ခါဘူးမျှမမည် ခဲ့ဖူးသောဆည်းလည်းသံတို့ကြားရလိမ့်ဦးမည်...သူမ၏နံနက်ခင်းကလေးများပိုမို လတ်ဆတ်လာဟန်ရှိလိမ့်မည်...အိပ်မရသောညတို့ ရဲ့နှိပ်ဆက်ခြင်းမှ ရှောင်ပြေးလွတ်မြောက်နိုင်မည်... အိမ်ရှေ့ သံတံခါးဖြူဖြူလေးဘေးမှာ ကပ်ကာပျိူးထားခဲ့ဖူးသောတစ်အိုးတည်းသောယုဇနပန်းအိုးကလေးသည် ပန်းကလေးများပွင့်လန်းလာအောင်ရေလောင်းပေါင်းသင်ပေးမည့်သူမကိုကြိုဆိုနေလိမ့်မည်...အိမ့်နောက်ဖေးတွင်စိုက်ထားသော ဝါးပင်ဘေးတွင်အင်္ကျီသေးသေးကလေးများလှန်းနိုင်သောထုတ်တန်းတစ်ခုထပ်တိုးကာလာမည်...နံနက်ခင်းတွင် သူမအားနှိူးတတ်သောကျီကျီကြာကြာတေးဆိုသောငှက်ကလေးတို့အသံသည်နှစ်သက်ခဲ့ဖူးသောတယောသံသာကဲ့သို့နားဝင်ပိုချိုစေဦးမည်...
နံနက်ရုံးသို့သွားရာလမ်းတစ်လျောက် စီရရီတည်ရှိသော ဓါတ်မီးတိုင်ဝါကျဉ်ကျဉ်နှင့်ခပ်မည်းမည်းများကိုလည်း အပြစ်မြင်တော့မည်မဟုတ်ပေ...သူမသည် အလုပ်တွင်ပိုမိုမွေ့လျော်လာလိမ့်မည်....ဘဝသည် နေပျော်ချင်စရာမကောင်းဟူသော တွေးခဲ့ဘူးသည်များကို မေ့ကောင်းမေ့ထားလိမ့်ဦးမည်....

အို...သူမအတွက်တော့ အရာရာ အားလုံးလိုလိုသည်.. သိပ်စွဲလမ်းစွာနားထောင်လေ့ရှိသော သီချင်းတစ်ပုဒ် သို့မဟုတ် တစ်ခုတ်တစ်ရညစဉ်ဖတ်လေ့ရှိသော စာကောင်းတစ်ပုဒ်လို နှစ်လိုဖွယ်ဖြစ်လာ မည်သည်ချည်းသာ.....

ရုံးဆင်းချိန်တိုင်း ပြန်ဖို့အားယူ ရသော..သူမအတွက်လုံခြုံမှုသာပေး ၍ နွေးထွေးမှုအလုံအလောက်မရှိသော ထိုအိမ်သည် သက်ဝင်လှုပ်ရှားစေတော့မည်.....

သူမ မက်ဖူးသောအိမ်မက်ထဲကလို အသက်ဝင်နေသော နေချင်စဖွယ်အိမ်ကလေးအသွင်သို့....

မဝေးတော့တဲ့အနာဂတ်ဆီမှာရယ်လေ.......

***မြတ်နိုးတွယ်တာရသော သူကလေး ရောက်လာမည့်ရက်အား လက်ချိုးရေရင်း ရေးဖြစ်သော ပို့စ်ပါး)***