ရက် ၃၀၀ ပြည့်..ကြယ်စင်ရေ

ကြယ်စင်ကလေးရေ...
မင့်မှာ...
ကြည်လဲ့လဲ့ရွှန်းစိုတဲ့...
မျက်ဝန်းညိုတွေရှိတယ်.။

ကော့ရွန်းတဲ့ မျက်တောင်တွေနဲ့လည်း
ချစ်အောင်မြှူတတ်သေးတယ်..။

ပျားရည်ဆမ်းတဲ့
တီတာတာ သန္တာရောင် နှုတ်ခမ်းလေးရယ်

ကျော့မဆုံးတဲ့
ကေသာပိတုန်းလေးရောပေါ့...။

တစ်လတာကာလတမ်းကို
ရက် ၃၀ ပျမ်းမျှနှုန်းနဲ့တွက်မယ်ဆို...
မင့်သက်တမ်း ရက်ပေါင်း ၃၀၀ သာရှိသေးတဲ့

ကြယ်စင်ကလေးရေ..

မေ့...ရင်ထဲစွဲ
သည်းလှုပ်အောင် ချစ်မိ....
တုမရှိ...။

***ရေးချင်နေတာက တစ်နေ့က (စနေနေ့) သွားဖြစ်ခဲ့တဲ့ စာပေမြတ်နိုးသူများ အဖွဲ့မှကြီးမှူးကျင်းပတဲ့ တတိယအကြိမ်မြောက် စာပေဟောပြောပွဲအကြောင်းပါ...။ ရေးဖြစ်သွားတာက သမီးလေးရဲ့ ၁၀ လပြည့်မွေးနေ့ အမှတ်တရ ကဗျာမဟုတ် စာမဟုတ် အတိုအထွာလေး။

တစ်နေ့ကတော့ ဆရာကြီးများနဲ့ ဆရာမကြီးများရဲ့ ဟောပြောချက်များကို အစမှအလယ်၊ အလယ်မှအဆုံး ပျော်မဆုံးမော်မဆုံး တစ်ပြုံးပြုံးနားထောင်လို့.. သူတို့ရွတ်ဆိုသွားတဲ့ ကဗျာတွေ အလင်္ကာတွေ ကိုလည်းမမောမပမ်း မျက်ရည်လေးတစ်စမ်းစမ်းနဲ့ကြည်နူးနေခဲ့ရာက ပြန်ရေးပြပြီးဝေမျှချင်စိတ်တွေတဖွားဖွားဖြစ်လို့...စဉ်းစားကြည့်တော့ ဆရာ/ဆရာမကြီးများရဲ့ အဟောအပြောတွေထဲမှာ ကောင်းနိုးရာရာ ကောက်နှုတ်စရာမရှိ၊ ပြစ်ရက်စရာမရှိအောင် ကောင်းလွန်းတာမို့ အသံဖိုင်၊ ဗီဒီယိုဖိုင် တို့ ထွက်မှပဲ တင်ပါတော့မယ်.. ဟောပြောပွဲသွားခွင့်မကြုံလိုက်ရသူတွေရှိခဲ့ရင်လည်း နားထောင်နိုင်အောင်ပါ...။

ခုတော့ဒီစာတို၊ ကဗျာစလေးပဲ တင်လိုက်ရပါတယ်.. ဆရာကြီးချစ်စံဝင်း ဟောပြောပြသွားတဲ့ "အမေဟူသည် အလွမ်းသည်" ကိုနားထောင်ရင်း၊ အဝေးဆီမှာရောက်နေရရှာတဲ့ ၁၀ လအရွယ် သမီးကလေးကို လွမ်းဆွတ်ရာက စပ်မိတဲ့ ကဗျာတိုလေးရယ်ပါ..:)***