တွဲလက်များ...

တွဲလက်များ….။

တွဲလက်များဆို..ဟိုသွားသတိရတယ်…။ သီချင်းလေးတစ်ပုဒ်ပါ…။ ထူးအယ်လင်း နဲ့ မီးမီးခဲ ဆိုထားတာပေါ့..။

♫ ဘဝအချိန်ခဏလေး…ရှင်သန်ခွင့်ရ..တို့ဘဝတစ်သက်တာ…အပေါင်းအသင်းတွေကြား….မင်းနဲ့တို့ဟာ ကြင်နာစွာ….

အချစ်လိုအင်တိုင်း….လိုအပ်တိုင်းပဲ…မင်းအနားရှိမှာ….

မပြောင်းလဲပါဘူး….မင်းအတွက်ကိုယ့်မှာ ကြည်ဖြူစွာ….

အားငယ်ချိန်တိုင်း…အနားမှာအစဉ်အားပေးခဲ့တာ…မင်းရဲ့အပြုံးတွေပဲ…ချစ်စရာ ဒီအပြုံးလေး….။

အပြုံးလေးများနဲ့ တို့ဘဝကို ဖန်တီးဆေးခြယ်…ရင်ဆိုင်မယ် အဆိုးဆုံးကြုံလဲ…

အကောင်းဆုံးနေ့များ မျှဝေလို့ တို့ခံစားကြမယ်…

ယုံကြည်ထားတယ်…ခိုင်မာသော….တွဲလက်များ…ရယ်….♪

သီချင်းတော့သိပ်မရတော့ဘူး…တမင်ကိုမေ့ထားတာ။ နာမည်ကြီးမင်္ဂလာပွဲတစ်ခုမှာ သုံးထားတာကြောင့်လည်းပါတယ်။ ဘာမှတော့မဆိုင်ဘူး..။ ကိုယ့်ဘာသာ နှလုံးသားကလက်မခံတော့တာပါပဲ..း)) စာသားလေးတွေက ဘယ်အချိန်နားထောင်ထောင်၊ ဘယ်အချိန်ကြားလိုက် ကြားလိုက်…တိုက်ဆိုင်မှုရှိသူတွေအတွက်တော့ ကြည်နူးစရာ၊ သတိရစရာတွေပြည့်လို့။ မတိုက်ဆိုင်တဲ့ သူတွေအတွက်တော့ ခဲနဲ့ထုချင်စရာ..။ ကျွန်မကတော့ တိုက်ဆိုင်မှုမရှိတဲ့အချိန်နဲ့ကြုံလာရင် ခဲနဲ့တော့မထုပါဘူး..နားမထောင်ပဲနေလိုက်တာပေါ့..။

ဒါပေမယ့်..အရေးကြုံလို့ ရေးစရာရှိလာတော့လည်း…အဲဒိတွဲလက်များကို ခဏလောက်တော့ ခလုတ်တိုက်ချင်ပါတယ်ရှင့်။ အဲဒိ တွဲလက်များအကြောင်းပဲ နည်းနည်းပြောပြချင်လာပါတယ်။ ဘာရယ်လည်းမဟုတ်ပါဘူး…။

ဒီဇင်ဘာ ၁ ရက်…2011 ကပေါ့။ မိုးတွေကလည်းသည်းလိုက်တာ….။ လျှပ်စီးကြောင်းတန်းကြီးတွေ လက်ကနဲ၊ လက်ကနဲ ကောင်းကင်မှာဝင်းလက်နေပုံများ ကြောက်စရာတောင်ကောင်းသေးတော့..။ ပြတင်းပေါက်နားမှာမေးတင်ပြီး ကြည့်ရတာနဲ့တင် ကျောထဲကခပ်စိမ့်စိမ့်…။

နာရီကိုလှမ်းကြည့်မိတော့…၇ နာရီထိုးပြီးလို့ မိနစ် ၂၀။ ဒီလောက်တော့ နောက်မကျစဖူး…။ ပြန်တော့လာတော့မှာပါလို့ စိတ်ထဲဖွဖွရွတ်နေမိပေမယ့် ဒီမိုးနဲ့ဆို ဘာများဖြစ်နေမလဲလို့ စိတ်ကတော့နည်းနည်းပူမိပြန်တယ်။

တစ်ခုခုကိုသတိရမိပြီး ပြတင်းကနေအကြည့်ခွာလိုက်တော့ ဧည့်ခန်းထောင့်နားကစင်မှာတင်ထားတဲ့ အနက်နုရောင် အိမ်သုံးဖုန်းကလေး။ ဖုန်းကလေးပေါ်မှာ လက်ချောင်းတွေအလိုလိုလှုပ်ရှားသွားပြီး အလွတ်ရနေတဲ့ ဂဏန်းရှစ်လုံးပါတဲ့ ဖုန်းနံပါတ်တစ်ခုကို အပြေးအလွှားနှိပ်လိုက်တယ်။ (နုတာတွေများနေပြီး)) အတိုပဲပြောကြပါစို့ရဲ့..။

ရောက်နေကျအချိန်ထက် နာရီဝက်ကျော်ကျော်နောက်ကျနေတဲ့အိမ်ကလူကိုဖုန်းခေါ်…

“ဟဲလို…ဟဲလို့….” (နည်းနည်းစိတ်မရှည်သံ)

“ဟဲ..လို….” ( အိမ်ကလူရဲ့ဖြေသံ။ စိတ်ပါလက်ပါ..ကနွဲ့ကလျ)

“မိုးတွေအရမ်းရွာနေတယ်။ ဘာလို့နောက်ကျနေတာလဲ?”

“အော်…မိုးတွေရွာနေလို့ပါ…။”

“ဟမ်……..ရောက်ခါနီးပြီလား?”

ရောက်နေပြီ..အိမ်ဝမှာ…။

“(((((ဟင်))))”

“ဟီးဟီး…….။”

တံခါးဖွင့်လိုက်တော့လည်း မျက်နှာပိုးကမသေဘူး..ဘာများဖြစ်နေပါလိမ့်လို့ကိုယ့်ဘာသာတွေးမိတယ်။

ကျမအထဲကိုခဏဝင်သွားပြီး ဟင်းအိုးကြည့်တယ်။ မီးဖိုထဲကပြန်ထွက်လာတော့ အိမ်ကလူ ဘယ်ကိုလှစ်ကနဲပျောက်သွားမှန်းမသိဘူး။ တံခါးဝနားမှာရပ်နေပြန်ပြီ..။ ဘာလုပ်နေမှန်းမသိ…သူ့လက်နှစ်ဖက်ကိုနောက်ပြစ်ထားပြီး ကျမကို ဟန်ပါပါပြုံးပြနေတယ်။ ဒါဘာသဘောလဲ?

ကျမပုခုံးကို ကိုင်လာတယ်။ ပြီးတော့လက်ဖဝါးကိုကိုင်ပြီး…ရော့တဲ့…။

မြတ်စွာဘုရား….။ လက်ထဲရောက်လာတာ ဂီတာတစ်လုံး..။ ဝယ်မယ်ပြောထားတာ နှစ်ပေါက်နေပြီ။ ဒီလကုန်ဝယ်မယ်၊ နောက်လကုန်ဝယ်မယ်နဲ့ မဝယ်ဖြစ်လိုက်ဘူး။ ကျမမျက်နှာကတော့ ပြောပြနေစရာကိုမလိုလောက်အောင် ကျောက်ကျောရေပက်ထားသလို ပြောင်ချော်ချော်ဖြစ်နေတော့တာရယ်..း)) သဘောတွေ့ မနောခွေ့လွန်းလို့…။

ဒီဇင်ဘာ ၈ ရက်နေ့ (ပြီးခဲ့တဲ့ ကြာသပတေးနေ့)က ကျွန်မနဲ့ အိမ်ကလူ အတွက် အထိမ်းအမှတ်နေ့လေးတစ်နေ့ပေါ့…။ တွဲလက်များ နှစ်ပတ်လည်ပေါ့လေ။ အမှတ်တရဓါတ်ပုံလေးတွေတော့ တင်ပေးဦးဆိုတော့ တင်ပေးရတော့တာပဲ..။ အားနာပါးနာနဲ့ သည်းခံပြီးကြည့်သွားကြပါဦး။ (ဘယ်နှနှစ်”မျောက်” လည်းတော့ မေးနဲ့နော်..းD)

အဲသလိုကိုကြွားတာ...အသားကုန်း))

လက်ဆောင်အဖြစ် သူပေးလာတာတွေက ပန်းစည်းတစ်စည်း၊ greetings card လေးတစ်ကဒ်၊ ကြည်နူးစရာညစာစားပွဲတစ်ခု။ ဒါလောက်လေးပါပဲ။ အော…မေ့တော့မလို့ သူ့အမေကိုဖုန်းဆက်ပြီး  သူတို့ ဘုရားကျောင်းမှာ ငွေလှူပြီး ကျမတို့နှစ်ယောက်ရဲ့ တွဲလက်တွေခိုင်မြဲစေဖို့ ဆုတောင်းခိုင်းနေလေရဲ့း) ကျမကတော့ body shop ကရေမွှေးတစ်ဗူးနဲ့ ပြီးခဲ့တဲ့လက သူ့နာမည်ထည့်ပြီး ကထိန်သင်္ကန်းကပ်ထားတဲ့ ဖြတ်ပိုင်းလေးတစ်ခု၊ ကဒ်လေးတစ်ကဒ်။ ဒါပါပဲ။ (နည်းတယ်၊ နည်းတယ်သဘောမထားစေချင်ပါ..ချစ်သူး))

 ဒါလည်းကြွားတာပဲးD

သူ့အကြောင်းနောက်မှ ပို့စ်တစ်ပုဒ်ရေးပါဦးမယ်။ လာမယ်ကြာမယ်ဆိုပါတော့းD ကျမတို့က ဘာသာမတူကြပါဘူး။ ဒါပေမယ့်ကျမတို့နှစ်ယောက်မှာ အဲဒိအတွက် ပြဿနာမရှိခဲ့ကြပါဘူး။ သူကထာဝရဘုရားကို ကိုးကွယ်သူဖြစ်ပြီး၊ ကျမကတော့ ကံ၊ ကံ၏အကျိုးကိုယုံကြည်သူ၊ အကြောင်းကြောင့် အကျိုးဖြစ်တာကို လက်ခံထားသူ။ ဘာသာမတူ၊ လူမျိုးမခွဲပဲချစ်တာ ကိုယ်တို့နှစ်ယောက်ရဲ့အပြစ်လား?း)) ကိုထီးကို သတိရသွားပြီး| 

 အချစ် နဲ့ ဂစ်တာ (အချစ်က ဂစ်တာဘေးနားမှာထိုင်နေလို့ ကွယ်နေတား))

ဒါကိုယ့်ကို အချိုသတ်တဲ့သဘေား))

စားစရာပုံတွေကိုတော့ သွားရည်ကျမှာစိုးလို့ မတင်တော့ပါဘူး။ အကြွားကလည်း လက်လွန်၊ ခြေလွန်တွေဖြစ်ကုန်ပြီမို့းD ဒါလောက်နဲ့ပဲတစ်ခန်းရပ်ပါရစေ။ ဒီပို့စ်ကို ခါတော်မီလေးတင်ဖို့ကို ကျမရဲ့ထုံးစံအတိုင်း နောက်အကျကြီး ကျနေပေမယ့်လည်း...ရေးထားပြီးသားမို့ ပေါင်ဒါလေးဖို့ပြီး တင်လိုက်ပါတယ်။

မှတ်ချက်။ ။ အမှတ်တရ စုံတွဲပုံတင်ခါနီး မီးပျက်သွားလို့ပါ…သည်းခံကြပါရှင်…:P

ချမ်းမြေ့ပျော်ရွှင်သော စနေ၊ တနင်္ဂနွေ ဖြစ်ကြပါစေလို့း)

မေတ္တာမွန်ဖြင့်

မိုးပန်းချီ