ခရီးသွားရင်း သီချင်းဆိုမယ် (စိန်မြို့တော်ဆီ)….

မင်းနဲ့ဝေးရာ မင်းနဲ့အဝေးမှာ…အဝေးဆုံး…အဝေးဆုံး…အဝေးဆုံးမှာ

နေမယ်အချစ်ရယ်….နေမယ့်အချစ်ရယ်…. နေပါမယ်…..

အဲဒိသီချင်းဆိုပြီးနောက်တစ်နေ့…ကျွန်မနဲ့သက်တစ်မျှ နှစ်ယောက်တည်း ဌာနေပြည်ကြီးကို ပြန်ဖို့ အလောပေါင်းလေးငါးခြောက်ဆယ်နဲ့ နောက်ဆုံးမိနစ်လေးမှာ လေယာဉ် လက်မှတ်လေးနှစ်စောင်ဖြတ်လိုက်ပါတယ်။ အဲဒိသီချင်းဆိုရတာကလည်း အကြောင်းရှိပါတယ်။ သက်တမျှကို ခေါင်းတုံး တုံးရေး..မတုံးရေးက စပါတယ်။

ဖြစ်ပုံကို…အတိုချုပ်ရရင် ဒီလို…။ သက်တမျှရဲ့ ဆံနွယ်ခွေလေးတွေ

ရှည်လာတဲ့အခါ ခေါင်းချွေးတွေ ကြောက်စရာကောင်းအောင်ကို ထွက်ပါတယ်။ ကိုယ်ပေါ်ရဲ့ ဘယ်နေရာမှာမှ ချွေးသိပ်မထွက်ပဲ ခေါင်းတစ်ခုတည်း ချွေးတွေ အလုံးအရင်း ထွက်တာမျိုးဆိုတော့ ခေါင်းကိုရေလျှော်ထားသလိုဖြစ်ပြီး တစ်ခါတစ်လေ အအေးမိချင်သလိုလို ဖြစ်လေ့ရှိပါတယ်။ ဒီတော့ ကျွန်မက ခေါင်းတုံးတုံးပေးဖို့ အကြံရပါတယ်။ ဒါနဲ့ပဲ သက်တမျှရဲ့ချစ်သောဖခင်၊ ကျွန်မရဲ့ မချစ်တချစ် အိမ်ကလူး)) ကိုပြောတဲ့အခါ လုံးလုံးကြီးဆန့်ကျင်ပါတယ်။ သူကမိန်းကလေးဆို ဆံပင်ရှည်ရှည်လေးမှ ကြိုက်တယ်ဆိုတော့ အခက်တွေ့ပါတယ်။ သက်တမျှအသက် ကတစ်နှစ်ကျော်ကျော်ပဲရှိသေးတာမို့ ဆံပင်အရှည်ထားချိန်မတန်သေးဘူးမဟုတ်လားရှင်.။ တကယ့်အမျိူးသားရေးလိုပါပဲ အကြိတ်အနယ် မဲဆန္ဒနယ်တွေဘာတွေခွဲပြီး စည်းရုံးရေးဆင်းပေမယ့် မအောင်မြင်တဲ့အဆုံး အိမ်ကလူ ဘယ်လိုမှပြောလို့၊ လိုက်လို့မမီတဲ့ မြိုင်ရပ်ကို တောခိုပြီး သက်တမျှကို ခေါင်းတုံးတုံးဖို့ လူဆိုးတွေနဲ့ မေတိုင်ပင်လုပ်ပြီးတဲ့အခါ…နောက်ဆုံးမှာ လက်မှတ်လေးနှစ်စောင်နဲ့ ရန်ကုန်ပြန်ဖို့ ဆုံးဖြတ်ချက် ဒုံးကနဲဆို ဆိုင်းမဆင့်ဗုံမပါ ကျသွားလေရဲ့။

လေယာဉ်ကြီး စီး..စီး…လို့သွားတော့မှား)

လေယာဉ်ကြီး စီး..စီးလို့သွားမယ်ဆိုရင် လိုက်ပို့ဖို့ မခေါ်နဲ့..ဝေးရတော့ ငါ့မှာ အသည်းကွဲရလိမ့်မယ်….နှုတ်ဆက်မသွားပါနဲ့…တဲ့…

သူကအဲသလိုဆိုပါသော်လည်း၊ လေယာဉ်ကွင်းကို ကျွန်မကလိုက်မပို့ခိုင်းပါသော်လည်း သူ့ဘာသာလိုက်ပို့ပါတယ်။ သူကပြောသေးတာ…သက်တမျှကိုဂရုစိုက်လိုက်နော်တဲ့…။ အင်း..ကိုယ့်ကိုကိုယ်လည်း ဂရုစိုက်လိုက်ပါ့မယ်လို့…။ သြော်….မောင်တို့ ယောင်္ကျားတွေရယ်…..။

ဒီလိုနဲ့ပဲ သစ်ရွက်ကလေးတွေ တစ်ဖြုတ်ဖြုတ်ကြွေ…လို့ ကြယ်ဂျက်လေယာဉ်နဲ့ ရန်ကုန်ရွှေမြို့တော်ကြီးကို အောက်တိုဘာလ ၁ ရက်နေ့ မြန်မာစံတော်ချိန် နံနက် ၁၀ နာရီ ၄၀ နဲ့မှ ၅ မိနစ်မှာ ဆိုက်ရောက်ခဲ့ပါတယ်။

ဒီနေရာ၊ ဒီဌာနေ..ကမ္ဘာမှာအလှပဆုံးနိုင်ငံတစ်ခုပေ….း) ကိုယ့်နိုင်ငံကို ဖွံ့ဖြိုးဆဲပဲပြောပြော၊ ဖွံ့ဖြိုးဆဲနိုင်ငံမဟုတ်ဘူးပဲဆိုဆို၊ ဖွံ့ဖြိုးဆဲနိုင်ငံက မတက်ဘူးပဲ လုပ်လုပ်…ပြောချင်ရာပြောကြစေတော့…

Y.K.K.O

ကမ္ဘာပေါ်မှာ မြန်မာဆိုတာ အစဉ်အလာကြီးမားဆုံး နိုင်ငံတစ်ခုပေ…း)) အဲဒိလိုလေး ညည်းရင်း လေယာဉ်ပေါ်ကနေ ကိုယ့်မြေကိုခြေချခဲ့ရတာ ချိုတဲ့အရသာတစ်ခုပါပဲ…။

အိမ်ရောက်တော့….အဘွားကိုတွေ့တယ်၊ ဘုရားခန်းမှာဦးချတယ်၊ ဘုရားမှာဦးချရင်း ဘဝခြားသွားခဲ့ပြီးတဲ့ အဖေ့ကို သတိတရှိလှတယ်၊ အဘွားကိုကန်တော့တယ်၊ အဘွားကမျက်ရည်တွေလည်ပြီး ဆုပေးတယ်…ကိုယ်ကလည်းမျက်ရည်တွေလည်ပြီး ပေးတဲ့ဆုနဲ့ပြည့်စေဖို့ ဆုတောင်းလိုက်တယ်။ အမေ့ကိုတွေ့တယ်၊ အမေ့ကိုကန်တော့တယ်…။ အစ်မကိုတွေ့တယ်…အစ်မက…ဟဲ့…နင့်သမီးကလည်း ခွေးကြီး၊ဝက်ကြီး ကြီးပါလားအေတဲ့…(တိန်)… အစ်မကဆက်ပြောတယ်…နင်ကြိုက်တဲ့ သီးစုံပဲကုလားဟင်းချက်ထားတယ်တဲ့…။ ဘယ်ရမလဲ အစ်မကိုပြန်ပြောလိုက်တယ်…စားမှာပဲ…စားမှာပဲ..ငါ့ကိုလာမတားနဲ့းD ဗိုက်ဆာနေပေမယ့် အမေ့မျက်နှာကိုမြင်ရတော့…ဟိုသီချင်းစာသားလေး သွားသတိရပါတယ်…

အစ်ကိုတွေ၊ အစ်မတွေရဲ့အလယ်…အမေကကျွန်မကိုပိုကာ..အထွေးဆုံးမို့ ချစ်တယ်..ချစ်တယ်…အဆိုးအနွဲ့တွေနဲ့……..မိဘရဲ့အရိပ်မှာကွယ်….ပူပင်သောကတွေလည်းမရှိခဲ့ရပါတယ်….လူ့လောကအလယ်လျှေက်ရမယ့်အရွယ်ချစ်ရမယ့်သူတွေ့လာတော့……အတူလက်တွဲ..…နှစ်ယောက်တည်း….ပျော်တယ်…အမေ့အိမ်ကိုလည်း….မေ့ထားခဲ့ပါတယ်… (နောက်တစ်ပိုဒ်မှာတော့ အမေ့အိမ်ကိုလည်း ချစ်သမီးလွမ်းပါတယ်…အဲဒါလေးလည်းဖြည့်ဆိုလိုက်ပါရှင်…း)))

အမေကတော့ အပြုံးကလေးနဲ့နှုတ်ဆက်စကားဆိုတယ်…သမီးပိန်သွားတယ်တဲ့…အဲဒိစကားကိုကြားတော့ သွားအချောင်း ၃၀ အကုန်ပေါ်အောင်ရယ်လိုက်တယ်…(ကျန် ၂ ချောင်းက အသက်မပြည့်သေးလို့ မပေါက်သေး :D) တကယ်လားအမေဆိုတော့…ဟဲ့..ပိန်သွားတာ ဒီလောက်တောင်ရယ်စရာကောင်းသလားတဲ့….း) အမေကဒီဘက်ခေတ်ရဲ့ ပိန်ချင်တဲ့ရောဂါတွေကို ဘယ်လိုက်မီပါ့မလဲ လို့ပြောလိုက်တယ်…။ အဲဒိတော့ အမေကပြန်ပြောတယ်…အို..ပိန်တာဘယ်မှာလာ လှမှာမို့လဲ အရိုးဂေါက်ဂက်နဲ့များ….မလှပါဘူးအေ..တဲ့…။ ရော်…ခက်ပြီကော..အမေ…။ အမေပြောသလိုဆို မြန်မာ နဲ့ ကမ္ဘာက ဈေးကွက်ဝင် နာမည်ကြီး အရိုးမော်ဒယ်လေးများ မင်းမချစ်လည်း နေပါ..ရားတယ်..မင်းမချစ်လည်း နေပါ…ရားတယ်…မင်းမချစ်လည်း နေပါကွယ် ဆိုပြီး ကိုယ့်ကိုယ်ကို အဆုံးစီရင်ဖို့သာရှိတော့တယ်…း)

တစ်ခုပြောဖို့ကျန်ခဲ့တာက…အိမ်ထဲကို မဝင်ခင် ကျွန်မကိုသောင်းသောင်းဖြဖြကြိုဆိုကြသူတွေကတော့ ချစ်စရာ တူကလေးနဲ့ တူမကလေးနှစ်ယောက်ပါပဲ…ကျွန်မနာမည်ကို အကျယ်ကြီးအော်လို့ကို ကြိုကြတာ…းD ဒါနဲ့ပဲ တစ်ရပ်ကွက်လုံး သောင်းသောင်းဖြဖြထွက်ကြည့်ကြပါတယ်…။

ကျွန်တော်တို့…..ရပ်…ကွက်….ထဲမှာ..ဒီလိုပဲ…..ရှိတယ်….း))

xxxxxxxxx

တကယ်တမ်းပြောရရင်…family ရီယူနီယံ ကအတော်လေး စိတ်ချမ်းသာစရာကောင်းပါတယ်။ ကျွန်မရန်ကုန်မှာ ရက်သတ္တပတ်ပဲကြာခဲ့ပါတယ်။ ရန်ကုန်ရောက်ပြီး သုံးရက်မြောက်တဲ့နေ့မှာ သက်တမျှ ပန်းကမ္ဘာထဲရောက်သွားပါတယ် (ဝမ်းပျက်ပါတယ်)….ကျွန်မအထင်…သောက်ရေကြောင့်ပါ။ အဲဒါနဲ့ပဲ အမေက ကျွန်မကို အတင်းပြန်ခိုင်းတယ်…သောကြာနေ့ပြန်…တဲ့…။ ကျွန်မပြန်မယ့်နေ့က စနေနေ့မနက်ပါ…း) အမေကတော့ ကလေးတစ်ခုခုဖြစ်မှာစိုးရိမ်လွန်ပြီး ပြောမိပြောရာပြောချလိုက်တာပါ…ပြီးမှ သတိရသွားပြီ…အော်…ညည်း စနေနေ့ပြန်မှာပဲတဲ့…။ သက်တမျှကို မွေးလာကတည်းက distilled water တိုက်လာရတာ ခုထိပါပဲ။ သက်တမျှက sensitive skin ပိုင်ရှင်မို့ပါ။ အဲဒါကကျွန်မနဲ့တူပါတယ်။ အထက်ကစကားပြန်ကောက်ရရင်.. distilled water က မြန်ပြည်အနှံ့ ကံဆိုးစွာ…ဘယ်နေရာမှာမှရှာလိုမရခဲ့ပါဘူး။

city mart တစ်ခုကိုရောက်တော့ ကံကောင်းစွာပဲ စေတနာရှင် ဝန်ထမ်းကောင်လေးတစ်ယောက်က…ရှိနိုင်တယ်အစ်မ..ကျွန်တော်ရှာပေးမယ်ဆိုလို့ အားတက်သရောပဲ မောင်မင်းကြီးသားကို ကျေးဇူးတွေအပြည့်ထည့်ထားပြီး မျှော်လင့်ခြင်းတွေတွဲလွဲခိုနေတဲ့ မျက်ဝန်းအစုံနဲ့ကြည့်လိုက်တယ်…ကောင်လေး လှည့်ဝင်သွားတာ မိနစ် ၃၀ လောက်အကြာမှာတော့ ခုနက မျှော်လင့်ခြင်းမျက်လုံးတွေ အရောင်မှေးမှိန်စပြုနေပါပြီ…ဒါပေမယ့်လည်း သူလာလာလာ..မလာလာ..ကိုယ်ကစောင့်ရမှာ မဟုတ်လား….။ ဟော..ကောင်လေးပြန်ရောက်လာပြီး အားတက်သရောပဲပြောချလိုက်တယ်… မရှိဘူးအစ်မ..ဝမ်းနည်းပါတယ်..တဲ့…။ သူက ဝမ်းပဲနည်းတာ…ဒီမှာက ငိုတောင်ငိုချင်ပြီ…။ ကံဆိုးချင်တော့ မိုးကအညှိုးနဲ့ ရွာချပါတယ်….ကြုံဖူးတဲ့အဖြစ်တွေရယ်…ပျိုမေကိုလွှမ်းမိုးလို့ ညှင်းလေတယ်..လူတွေအမြင်မှာရေတွေထင်ကာနေမယ်…ယုံကြည်ထားခဲ့သူမယ်……း’( မိုးသည်းထဲမှာကွယ်…..။ မထူးဇာတ်ခင်းတဲ့အနေနဲ့ သက်တမျှကို ရှိတဲ့ရေပဲတိုက်ပြီး ကလေးအထူးကုဆရာဝန်ကို ကြုံတုန်းလေးလုပ်ကျွေးခဲ့တယ်။ သက်တမျှ နေမကောင်းဖြစ်နေတာမို့ ခေါင်းတုံးတုံးပေးမယ့် အရေးတော်ပုံမအောင်မြင်ခဲ့ပါဘူး။ အမေကလည်း ကလေးခေါင်းတုံးခွင့် ပါမစ်ကို ဘီဒို(ဗီတို :D)အာဏာ နဲ့ရော အံဆွဲ အာဏာနဲ့ပါ တစ်ခါတည်းပယ်ချလိုက်တယ်။

ရန်ကုန်ပြန်ခဲ့တဲ့ (၇) ရက်အတွင်း အဖြစ်အပျက်တွေကများလွန်းတယ်။ ပျော်ခဲ့သလို မောလည်းမောခဲ့ရတယ်။ မပျော်တစ်ပျော်တွေလည်း ကြုံခဲ့ရပါတယ်။ ပျော်စရာလေးတစ်ခုထုတ်နှုတ်ပြရရင်…သည်းဦးပန်းနဲ့ ပြန်တွေ့ခဲ့တယ်းD သက်တမျှကလည်းနေလို့သိပ်မကောင်းတော့ ဘယ်နေရာမှလည်း ထွေထွေထူးထူးမသွားနိုင်၊ မရောက်နိုင်တော့ အိမ်မှာပဲသောင်မတင်ရေမကျဖြစ်နေခဲ့ရပါတယ်။ တစ်နေ့သောမနက်ခင်းလေးတစ်ခုဆီမှာပေါ့း))) သူ…အိမ်ကိုရောက်လာပါတယ်…။ သူ နဲ့ ကျွန်မက ငယ်ကတည်းက ကျောင်းသွားဖော်သူငယ်ချင်းတွေဆိုတော့ အိမ်နဲ့လည်းတော်တော်လေးခင်မင်ပြီး အဝင်အထွက်ရှိပါတယ်။ (ငယ်ငယ်တုန်းက သူငယ်ချင်း…အရမ်းချစ်ဖို့ကောင်းတယ် :P ) သူကတော့ သူ့ဘာသာ လမ်းကြုံလို့ဝင်လာတာပါ…။ သူအိမ်ထဲကိုဝင်ဖို့ အိမ်ရှေ့ကတံတားလေးကိုဖြတ်ရပါတယ်…။ ဒီတံတားလေးပေါ်မှာ ဆော့ပြေးကစားခဲ့တာတွေ မှတ်မိပါတယ် အတူးရေ……. မှတ်မိပါတယ် အသက်ရေ…..။ သူက ကျွန်မကိုမြင်တော့ သွားတက်ကလေးတွေပေါ်အောင် ပြုံးပြရှာပါတယ်…။ သည်းဦးပန်း ဆိုလို့ တစ်မျိုးတော့ မထင်လိုက်ပါနဲ့…မိုးပန်းချီတို့ သမီးလေးတစ်ယောက်ရှိနေပြီးသားတောင် ဟိုလိုလို၊ ဒီလိုလို မဟုတ်ရပါဘူး…းD ဟိုသီချင်းထဲကလို I remember the boy…I don’t remember the feel….lings….anymore…ပါ..း)

လွမ်းမိပါသည်…ရခိုင်မုန့်တီး)

ရန်ကုန်ကို သက်တမျှနဲ့အတူ ပြန်တာမို့ ရောက်ဖြစ်ခဲ့တဲ့နေရာတွေက လက်ငါးချောင်းတောင် မပြည့်ခဲ့ပါဘူး..။ မရောက်မဖြစ် ရောက်ခဲ့တာနေရာက လေးဆူဓါတ်ပုံ မြတ်ဘုရား ရွှေတိဂုံ ပါ..။ ဘုရားကိုတော့ မရောက်ရောက်အောင် သွားဖူးဖို့ သံဓိဌာန်ချလာခဲ့တာမို့ ရောက်ခဲ့ပါတယ်။ မြန်မာပြည်တိုးတက်နေတာတော့ မျက်ဝါးထင်ထင်မြင်ခဲ့ရသေးတယ်။ အထွေအထူးပြောပြနေစရာ မလိုလောက်တော့ပါဘူး…။ ဘုရားရောက်တော့ ဓါတ်လှေကားပေါ်ကိုတောင် တိုးပြီးတက်ခဲ့ရသေးး)) တကယ်တိုးတက်နေတာတွေ ရှိကောင်းရှိပါလိမ့်မယ်ရှင်…တစ်ပတ်ပဲနေခဲ့ရတဲ့အပြင် သိပ်မရောက်မပေါက်ဖြစ်ခဲ့တာမို့ မသိခဲ့တာပဲနေမှာပါ။ ဂျာနယ်တွေဖတ်ခွင့်ရခဲ့သလောက်ကတော့ ပွင့်လင်းရာသီထဲရောက်နေပါပြီ…။ ဘယ်အချိန်ထိ ဆက်လက်ပွင့်လင်းနိုင်မယ် ဆိုတာကိုတော့ဖြင့်… ရောင်စုံပိတ်ကားပေါ်တွင် ဆက်လက်ရှုစားရန်…းD

တက္ကသိုလ်ရိပ်သာလမ်းထဲလည်းရောက်ခဲ့ပါတယ်။ သုံးနှစ်စာ အမှတ်စာရင်းသွားထုတ်ရင်းပါ။..လိုရမယ်ရပါ။ တက္ကသိုလ်မြေထဲကို ခြေချတော့ လွမ်းသလို ဆွေးသလိုပါလေ…။ ကျောင်းဝင်းထိပ်နားက ရခိုင်မုန့်တီတော့ ပဲကပ်ကြော်လေးနဲ့ လွေးခဲ့သေးတယ်။

တစ်ခါတုန်းက တက္ကသိုလ်

ရခိုင်မုန့်တီဆိုင်ကလေး

မြကျွန်းညိုညို ကွန်းခိုရာ တက္ကသိုလ်မှာကြုံ၊ စာပေဂီတနဲ့သာ အနုပညာ အစစမှာလည်းစုံ….. ကျွန်မတက္ကသိုလ်တက်တော့ မြကျွန်းညိုညိုတို့၊ သစ်ပုတ်ပင်တို့၊ အင်ယားကန်တို့ စတာတွေနဲ့ မရင်းနှီးခဲ့ရပါဘူး..။ ပါးစပ်အရသာခံပြီး သီချင်းဆိုတာပါ။ တက်ခဲ့ရတဲ့တက္ကသိုလ်က နယ်နယ်ရရမဟုတ်ပါဘူး…ကျောင်းအဝင်ဝမှာ ကမ္ဘာ့အကြီးဆုံး ပတ္တမြားအတုကြီးရှိတဲ့ တက္ကသိုလ်ပေါ့…။ သိကြမယ်ထင်ပါတယ်။

xxxxxxxxx

ရန်ကုန်မှာပျော်တဲ့ သက်တမျှ

၇ ရက်ပြည့်မြောက်တော့ ကြံသကာရည်စမ်းထားတဲ့ခရီးက အညှိုးနဲ့ရွာလိုက်တဲ့ မိုးကြောင့် အချိုဓါတ်တွေအရည်ပျော်ကျ၊ နောက်ဆုံးတော့…ပြန်ရတော့မှာ…..

မကြာ၊ မကြာ..မောင်လေလာခဲ့ပါ့မယ်…။ မောင်သိပ်ချစ်တဲ့စိမ်းဆီကိုကွယ်…. အနေဝေးတဲ့အခါများမယ်…သြော်..…လွမ်းစိတ်တွေကြွယ်…။ ဒီတစ်ခါပိတောက်ပန်းများပွင့်ရင်….လာခဲ့မယ်…ခင်ပျိုမေရယ်…အရင်ကလိုမေတ္တာများနဲ့…အရင်ကလို ချစ်နိုင်မလားကွယ့်…လွမ်းစိတ်က တစ်ရာနှစ်ရာမကတယ်…။  တိုက်ဆိုင်စွာပဲ ရုတ်တရက် ဘေးအိမ်ကဖွင့်တဲ့ သီချင်းကငြိမ့်ညောင်းသာယာစွာ ပျံ့လွင့်လာ…။ သီချင်းကြားတာနဲ့ လူလည်း စိုးလွင်လွင် (မောင့်မျက်ရည်ဝိုင်း) ဖြစ်ရတယ်…။ အချိန်တန်တော့ နဗိန် (နွားပိန်) ကန်ပြီပေါ့…။ 

ကျွန်မအကြိုက်…သီဟိုစေ့

လွမ်းခန်းရောက်ပြီ…။ မျက်ရည်တော့မကျကြေး…းD

အားလုံးထုပ်ပိုးပြီး၊ ဘုရားထိုင်ကန်တော့၊ ပြီး..အဖွား နဲ့ အမေ့ကို ကန်တော့..ဆုတွေပေး၊ဘေးကင်းရန်ကွာ ပါစေကြောင်းဆုပေး၊ အမေမျက်ရည်ကျ…..!_! သြော်…တကယ်ပဲမမြဲတဲ့ အသင်လောက။ ပြီးခဲ့တဲ့စနေနေ့က ရန်ကုန်ရောက်ပြီး တစ်ပတ်အကြာ၊ နောက်တစ်ပတ်စနေနေ့ကျတော့ အထုပ်ကလေးပိုက်ပြီး လာရာလမ်းကလှည့်ပြန်ရတာဟာ……..သင်္ခါရတရားလေး ရင်ဝယ်ပိုက်မိစေတယ် ။ ရန်ကုန်မှာ စားစရာ၊ လည်ပတ်စရာ၊ တစေ့တစောင်းလေ့လာစရာတွေမှ(ဟဲဟဲ) မကုန်သေးခင် အရင်က ကျွန်မတို့နှစ်ယောက်တည်းကနေ သုံးယောက်ဖြစ်လာတဲ့ ကျွန်းသေးသေးလေးဆီပြန်ရတော့မှာမို့ ရင်ထဲမကောင်းတာကတော့ စာဖွဲ့မကုန်နိုင်ပါဘူး။ ပြန်လာပါမယ်ဆိုမှ အိမ်ကလူကလည်း ဖုန်းဆက်နေသေး Don’t do this to me again please! တဲ့။ ဘာလုပ်မိလို့လဲမေးတော့…သူ့ကို အိမ်မှာတစ်ယောက်တည်းထားခဲ့လို့ပါတဲ့။ ငိုအားထက်ရယ်အားသန်ရတယ်…ပြန်လာပါပြီဆိုမှ သူကလည်းအလွမ်းသယ်တယ်။ ဖြစ်ရလေ။

ရန်ကုန်အိမ်ကထွက်ခွာတော့ အလွမ်းတွေအများကြီး သယ်မနေခဲ့တော့ဘူး။  သက်တမျှပစ္စည်းတွေနဲ့တင် လေးလွန်းလှပြီမဟုတ်လား? လေယာဉ်ကွင်းရောက်…သက်တမျှတစ်ဖက်၊ ပစ္စည်းတွေကတစ်ဖက်နဲ့မို့ ကူညီပါရစေဆိုပြီး အနားမှာရစ်သီရစ်သီလုပ်နေတဲ့ အဖြူအပြာဝတ်ဝန်ထမ်းတစ်ယောက်ကို လေယာဉ်ခွန်ဆောင်စေ၊  လိုအပ်တဲ့စာရွက်ကလေးနှစ်ရွက်ယူလာစေပြီး ဖြည့်စေ။ ဝန်ဆောင်ခ ငါးထောင်တောင်း…လေးထောင်နဲ့ မအီမလည်အဆင်ပြေသွား………………း) 

အချဉ်ပေါင်း…

ဖြူပြာဝတ်ဝန်ထမ်းလေးခမျာ ခပ်ညည်းညည်းလေး သီချင်းဆိုပြီး ခေါင်းငိုက်စိုက်လို့ လှည့်ထွက်သွားပါတယ်..။ ရင်မှာမျှော်လင့်ခြင်းရဲ့ သစ်သီးတစ်လုံး နှလုံးသားငှက်က ကိုက်ခြွေကာပျက်စီးသွား…နွေလွင်ပြင်ကိုဖြတ်ကျော်လာသူ လေညင်းလေး အိမ်ထဲကြွပါ….း)  

ရွှေ…မှ…ရွှေ..ပုစွန်ခြောက်

ပစ္စည်းတွေချိန်ပြီးတာနဲ့ လက်ပြနှုတ်ဆက်…မျက်ရည်ဝဲရုံ။ ဇာတ်လမ်းက ဒီမှာနောက်တစ်ခါထပ်စပြန်တယ်။ အဓိကပြောချင်တာကလည်း ဒီအကြောင်းပါပဲ။  လက်မှတ်ဖြတ်ခါနီးလေး D-Form တောင်းတယ်။ ဒီဖောင်းမပါဘူး။ ဟိုဖောင်းလည်းမပါဘူးဆိုတော့ အိမ်သာလိုလို အခန်းဖက်ကိုလက်ညှိုးထိုးပြတယ်။ immigration office တဲ့။ ဖျား..ဖျား ဖြစ်သွားရတယ်။ သူတို့ဆင်တဲ့အကွက်ထဲ  ကိုယ်ဝင်ရတော့မယ်ဆိုတာ တမဟုတ်ချင်းသိလိုက်တယ်။ ဖြတ်ထိုးဥာဏ်ကောင်းပုံးD။ အလုပ်က ခွင့်နဲလာတာဆိုပြီးပြောတော့လည်း ခေါင်းကိုတွင်တွင်ခါပြီး ခုနကအိမ်သာခန်းပဲ လက်ညှိုးထိုးပြပြန်တယ်။ ရပါတယ်။ အသွားကိုစေသူ လက်မှတ်ဖြတ် immigration officer ၊ အစွယ်ကိုလိုသူ အိမ်သာခန်းလိုလိုထဲက immigration officer…ဒီအထဲမှာမ ကျွန်တော်မျိုးမ သနားစရာကလေးကတော့ သက်တမျှကိုချီ၊ အိတ်ကြီးတစ်လုံးလည်းဆွဲရင်း၊ (စတိုင်လ်တွေတောင်ပျက်ချင်နေပြီး)) နဖူးမှာ ချွေးသီးတွေတွဲခိုလို့ အပြေးတစ်ပိုင်းလေး သွားရပါတယ်။

ဝင်လာလို့ရမလားရှင်။

“သြော်..ရပါတယ်။ ထိုင်ပါ။ ဘာကူညီရမလဲ။”

“ဟို၊ အင်း၊ ဟိုသင်း…….d form မပါခဲ့လို့။ ကျမအရင်ကဆို တစ်လမကုန်ခင် ပြန်ဖြစ်ရင် d form မလိုဘူးဆိုတော့…အဲဒါ..ဟို…d form…”

‘သြော်…ဟော်…ဒါဆိုရင်တော့ ကိုယ်တို့ကူညီနိုင်တာတစ်ခုတော့ရှိတယ်။ ငွေနည်းနည်းတော့ပိုကုန်မယ်။”

“ရှင်……..” (သိခဲ့ပြီးသားဆိုပေမယ့်လည်း ရှင်…လိုက်တဲ့အသံကတော့ နည်းနည်းကျယ်သွား) ကိုယ့်မှာက မြန်မာကျပ်ငွေတစ်ပြားမှမပါ၊ US လည်းမရှိ၊ စလုံးပိုက်ဆံ (မပါဘူးထင်တယ်) ။

“ဟိုလေ..ကျမ ကိုကူညီလို့ရရင် ကူညီပါရှင်။ အိမ်ကလာပို့တဲ့သူတွေပြန်ကုန်ပါပြီ။ ကလေးနဲ့ဆိုတော့ အဲဒါဖြစ်နိုင်ရင် ကူညီပါ”

“သြော်..ကူညီမယ်လို့ပြောပြီးသားပဲ” (လေသံနည်းနည်းမာလာ)

“ကိုယ်တို့ကဝန်ထမ်းတွေဆိုတော့ ဘယ်လိုလုပ်မလဲ၊ ပိုက်ဆံမရှိဘူး။ ဒီလိုလုပ်..အခုမင်းအိမ်ကလူတွေကို ဖုန်းဆက်၊ ဘဏ်ကိုသွားပြီး ဘဏ်ချလံယူပြီး d form လုပ်လိုက်” (နာရီကိုလက်ညှိုးထိုးရင်ပြော)။

မဖြစ်နိုင်တာရှင်…(စိတ်ထဲကသာပြောမိ) ကျမ နာရီကိုလှမ်းကြည့်တော့ ၁၀ နာရီ ၁၀ မိနစ်၊ လေယာဉ်ချိန် ၁၁ နာရီ။ ဒီလူတွေဟာ တစ်ဆိတ်တော့ ညစ်လွန်းတယ်။

“ကျမကိုဖုန်းတစ်ချက်လောက် ပေးဆက်ပါလားဟင်…”

“အာ…ဒီဖုန်းက ရုံးကလူတွေပဲသုံးလို့ရတယ်” (ဖုန်းခမျာ ရုံးက လူတွေကိုပဲမှတ်မိတယ်ထင်ပါ့)

မြန်မာအမျိုးသမီးလေးများအတွက် မြန်မာချည်ချောလုံချည်း)

လုပ်ရက်လိုက်တာ…။ စိတ်ဓါတ်အကြီးအကျယ်ကျသွားရပါတယ်။ အထုပ်ကတစ်ဖက်၊ ကလေးတစ်ဖက်နဲ့ကျမကို ဟိုးအောက်ဘက်အထိပြန်ဆင်းပြီး ဖုန်းဆက်ခိုင်းရက်လေခြင်း။ ခဏလေးကြာတော့ ဖုန်းနားမှာထိုင်နေတဲ့သူကို ခုနကပြောလိုက်တဲ့သူက မျက်စပြစ်ပြပြီး ကျမကိုဖုန်းဆက်စေတယ်။

ဒါနောက်ဆုံးအကြိမ်ကူညီခြင်းပဲနော်…လို့ဆိုလိုက်ပါသေးတယ်။ မောင်မင်းကြီးသားများ ကျန်းမာ၊ ချမ်းသာကြပါစေကြောင်းတော့ မပျက်မကွက်မေတ္တာပို့လိုက်မိသေးရဲ့။ အရေးထဲအရာပေါ်ဆိုသလို အိမ်ကဖုန်းကိုခေါ်တော့ လူကြီးမင်းနဲ့သာတိုးတော့တယ်။ ဆက်သွယ်မှုဧရိယာပြင်ပရောက်နေတော့ ခေါ်မရပြန်ဘူး..။ ကြံရာမရဖြစ်နေတုန်း အိတ်ထဲကိုဟိုစမ်းဒီစမ်း လုပ်ကြည့်မိတယ်။ စလုံးပိုက်ဆံလေး ဘာလေးများ ကံကောင်းထောက်မစွာ ပါလာမလားလို့ပါ..။ ကံကောင်းပြန်ပါတယ် ဂျီးဒေါ်ရယ်ပဲ ဆိုရမလား…အလေးခံပြီးသယ်လာတဲ့ ကင်မရာအိတ်ထဲမှာ 50 တန်လေး ကပ်နေတာတွေ့လိုက်ရတဲ့ ကျမမှာ တစ်ခါဖူးမှ မထိုးဖူးတဲ့ သန်းကျော်ထီကို မထိုးမိပါပဲ အလိုလိုပေါက်တဲ့အလား အံသြဝမ်းသာသွားရတယ်။ သားကောင့်သားကတော့ ကျမမှာ ပိုက်ဆံပါရဲ့သားနဲ့မပေးချင်လို့ တမင်ကပ်နေတယ်ပဲထင်နေတဲ့ပုံပါ။ 

“ကံကောင်းလို့ရှင်……..ရော့ ၅၀ ယူလိုက်ပါ”

“ဟာ…ကျတော်လိုတာ ၂၀ ထဲပါ။ အကြွေပဲပါရင်ပေး….” လို့လုပ်လာပြန်တယ်။

“မပါတော့ပါဘူးရှင်..။ ဒါအကုန်ပဲ။ အားမနာပါနဲ့ ယူသာယူလိုက်ပါ”

“အားတော့နာတယ်ဗျာ…ရော့…ဒါပြန်ယူသွားပါ”

ကျမက ကလေးလေးတစ်ဖက်၊ အထုပ်တစ်ဖက်နဲ့ဆိုတော့ US 10 ပြန်ပေးပါတယ်။ အားနာသွားတာလား။ အကုန်ယူရမှာရှက်သွားတာလား။ ရှင်းရှင်းပြောပါလားx2…ခပ်ရှင်းရှင်းပြောကွယ် :D  ဖြစ်နိုင်တာက စိတ်ကောင်းလေး တစ်မတ်ဖိုးလောက်ဝင်သွားတယ်ထင်ပါရဲ့။ မက်လောက်စရာ တစ်ကွက်မှမရှိ x2 (နှစ်ခေါက်ဆိုပါး)။ immigration office ထဲကရင်ကော့၊ ခေါင်းမော့ပြီးထွက်လာခဲ့ပါတယ် (နဖူးပေါ်က ချွေးတွေစီးကျလာမှာစိုးလို့ပါးD) ယှဉ်အားသူ့ထက်ပြိုင် ကျနော်မျိုးတော့ဖြင့် မနိုင်ပါပြီ…။

ကြယ်ဂျက်လေယာဉ်ကတော့ ထုံးစံအတိုင်း နောက်ကျမယ်ဆိုတဲ့အကြောင်း၊ အဲဒိအတွက်အနူးအညွတ်တောင်းပန်ကြောင်း ကြေညာချက်ထုတ်ပြန်ပါတယ်။ ဒါလည်းခွင့်လွှတ်ပါတယ် ကြယ်ဂျက်ရယ်။ ဒါနဲ့ပဲ boarding area နားကအခမဲ့ဖုန်းနဲ့ အိမ်ကိုနောက်တစ်ခါဆက်ကြည့်လိုက်တော့ လူကြီးမင်းပြန်သွားပါပြီး) အစ်မလုပ်သူနဲ့တန်းတိုးပါတယ်။ အစ်မကိုဖြစ်ကြောင်းရယ်တဲ့မှကုန်စင် ပြောပြီးတဲ့အခါ…

“ဘာာာာ….ဟင်….တောင်းစားတဲ့သူတွေ” (အစ်မပြောလိုက်တာက ဒဲ့ဒိုးပါ..။ ရှေ့နောက်လေးလွှဲပြီး ရေးထားပါတယ်..ဖတ်ကောင်းအောင်လို့)

“ဟာ…အစ်မကလဲဟာ…” (သူပြောတာနဲ့ပဲ ကျမမှာဟိုသီချင်းကောက်ဆိုရမလိုဖြစ်နေတယ်..။ အပါယ်ရတနာ..ကယ်ပါဘုရာ့….ဆိုတဲ့သီချင်းပေါ့)

“ဘာ..အစ်မကလဲ လည်း…။ အေး…ကြားဖြတ်နားထောင်နေတဲ့သူရှိရင် ငါထပ်ပြောဦးမယ်…@#$ တွေ…” ခုနကပြောတဲ့စကားကို ထပ်ပြီးခပ်ကျယ်ကျယ်အော်ပြောလိုက်ပါတယ်။

“ဟမ်…မပြောပါနဲ့တော့ဆိုတာကို..အင်း..ပြောချင်လဲထပ်ပြောတော့ဟာ…။ သူတို့ဘာသာ ဟိုဟာခွက်ပျောက် နေကြတာ..ထားလိုက်တော့”

“မပြောတော့ပါဘူး…ငါအကုသိုလ်များတယ်…” ပြောဆိုတော့လည်းမပြောတော့ဘူးတဲ့..အတော်ရယ်ရတဲ့ ကျမရဲ့အစ်မ။

နေကာမှန်မျက်လေးနဲ့ လေးနှစ်မ…

အစ်မနဲ့စကားပြောပြီးတာတောင် နောက်ထပ် မိနစ်သုံးဆယ်ကျော်လောက်မှ လေယာဉ်ပေါ်တက်ရပါတယ်။ အပြန်ခရီးကတော့ လေးပင်တဲ့ခြေလှမ်းတွေနဲ့ပါ။ သက်တမျှကလည်း အတော်လေး အလေးချိန်စီးတာမို့း) 

ကျမရဲ့ ဒုတိယအိမ်လိုဖြစ်နေတဲ့ ခြင်္သေ့ကျွန်းကို လေယာဉ်ဆိုက်တော့ အားလုံးချောချောမောမောပါပဲ…။ immigration ကိုဖြတ်တော့ Permanent Resident & Citizens ရဲ့အောက်က welcome home ဆိုတဲ့ LED စာတမ်းလေးဖတ်မိတော့ ကျမရဲ့အမိမြန်မာပြည်ကို ဘာကြောင့်မှန်းမသိလွမ်းသွားပါတယ်။ ကျမတို့နိုင်ငံသာ ဒီလိုခိုးဆိုးလုယက်သူတွေ (အနုကြမ်းစီးသူတွေကိုဆိုလိုပါတယ်) မရှိရင်၊ ဒါမှမဟုတ် လျော့နည်းသွားရင် ဘယ်လောက်ကောင်းမလဲလို့ တွေးလိုက်မိတယ်။ တစ်ဆက်တည်းပဲ ကျမတို့ခေတ္တခဏခိုလှုံနေရတဲ့ နိုင်ငံရဲ့ခေါင်းဆောင်တွေအကြောင်း၊ သူတို့တွေလဲ ကိုယ်ဖို့ချည်း လုပ်နေကြပေမယ့်၊ ရှဉ့်များများလျှောက်ပြီး၊ ပျားနည်းနည်းပဲစွဲစေပေမယ့် ကျမတို့နိုင်ငံထက် အနည်းဆုံးတော့ ပိုပြီးဖွံ့ဖြိုးနေသေးတယ်ဆိုတာတွေ…။ သက်တမျှရဲ့ခိုးခိုးခစ်ခစ်ရယ်သံကြားတော့မှ နယ်ချဲ့နေတဲ့အတွေးတွေရပ်သွားပါတယ်။ အဖေဖြစ်သူနဲ့တစ်ပတ်လောက်ဝေးနေပေမယ့် လက်ပြနေတဲ့ အိမ်ကလူ၊ သူမကလေးရဲ့အဖေကို ရယ်ပြ၊ ပြုံးပြနေတာပါ။ သူမကလေးအသက်ကတစ်နှစ်သာသာ ရှိသေးပေမယ့် လူတွေအများကြီးကြားကလက်ဝှေ့ယမ်းနေတဲ့ ဖခင်ကိုမှတ်မိပြီး လုပ်ပြနေတဲ့အမူအယာကြောင့် အံ့သြရပါသေးတယ်။ ခုခေတ်ကလေးလေးတွေများ အတတ်မြန်ချက်ရှင်..။

ချက်ချင်းဆိုသလို..စောစောကမှဖွင့်လိုက်တဲ့ ဖုန်းကမြည်လာလို့ ကြည့်လိုက်တော့ မှန်ပြတင်းအပြင်ကစော့င်နေတဲ့ အိမ်ကလူရဲ့ နံပါတ်။ လူတွေကြားထဲကသူ့ကို စမြင်တဲ့သူက သက်တမျှလေးဖြစ်နေပြီး ဘာကြောင့်ကျမဖြစ်မနေရတာလဲလို့ မကျေမချမ်းဆိုလာတယ်။ ဆည်းလည်းသံတွေလို၊ အို..နင်စကားပြောရင်…တစ်ဒိတ်ဒိတ်ရင်တွေဖို….း))

ဘာပြန်ဖြေရမှန်းမသိလို့ ကျမက သတိရနေတာလို့ပြောလိုက်တော့…တဟဲဟဲရယ်နေတော့တယ်းD ဒါနဲ့ပဲ ကျမရဲ့Luggage လေးခမျာ နဘေးကလည်နေတဲ့ ခါးပတ်အမည်းဝိုင်းကြီးပေါ်က လက်ပြကျော်တက်သွားလို့ ကောက်ပြီးရွေးချိန်မရလိုက်တော့ဘူး…။ နောက်တစ်ပတ်ပြန် လည်လာမှပဲ ကောက်ယူရတော့မှာပဲ။

ဘာပဲဖြစ်ဖြစ် အိမ်ကလူက ကျမတို့ထွက်လာတဲ့အထိ မှန်ပြတင်းရဲ့တစ်ဖက်မှာ စိတ်ရှည်ရှည်ရပ်စောင့်နေမှာပဲ မဟုတ်လား….း) 

နောက်ဆုံးပဲ မင်းရဲ့ရင်ခွင်ဆီ…..

xxxxxxxxx

xxxxxxxxx

စာကြွင်း။ ။ ရန်ကုန်ပြန်တုန်း ရိုက်ခဲ့တဲ့ဓါတ်ပုံတွေထဲမှာမှ အင်မတန်လှတဲ့ ဓါတ်ပုံတွေပါတဲ့ memory stick တစ်ခု ဘယ်လိုမှ ဖတ်မရတော့တာမို့ တင်ထားတဲ့ပုံလေးတွေနဲ့ နှိပ်စက်ရသလောက်လေးသာ ကျေနပ်ပါလို့း)

အကျိုးပြုစာပေမဟုတ်၊ တက်ကျမ်းမဟုတ်၊ ခွန်အားဖြည့်စာတွေမဟုတ်၊ သုတမဟုတ်၊ ရသလည်းမဟုတ်၊ ဘာမဟုတ် ညာမဟုတ် ပေါတောတော ပျက်ချော်ချော်တွေဖြစ်နေပေမယ့် ကျွန်မဘာရေးရေး တိတ်တိတ်လာဖတ်အားပေးကြတဲ့ စာဖတ်သူတွေ၊ ကောမန့်လေးတွေချန်လို့ နှုတ်ဆက်အားပေးကြတဲ့ ကျွန်မချစ်သော မိတ်ဆွေ၊ သူငယ်ချင်းတွေကို ကျေးဇူးအများကြီးတင်ပါတယ်ရှင်…။ (ခုတစ်လောလည်း နည်းနည်းအလုပ်များနေတာနဲ့ ပါချောချော ဖြစ်နေလို့ပါ :D) အားလုံးကို ပျော်စေချင်ခဲ့သူ  ပါး) ဒီပို့စ်ကိုလည်း ရေးရင်းအတော်လေးကြာသွားတာမို့ ခွင့်လွှတ်သည်းခံပေးစေလိုပါတယ်။ (၂၀၁၁ အောက်တိုဘာမှာပြန်ဖြစ်ခဲ့တဲ့ခရီးကို ၂၀၁၂ ဇန်နဝါရီမှာတင်ဖြစ်တယ်ဆိုတော့ သိပ်တော့မကြာပါဘူးနော် :D) ပျောက်လိုက်၊ ပေါ်လိုက် ဖြစ်တတ်တဲ့ ကျွန်မကို သည်းခံပြီး အားပေးကြတဲ့အတွက်လည်း တကယ်ကို ကျေးဇူးတင်ပါတယ်။ 

·         ရန်ကုန်ပြန်မယ့်သူများ မေတ္တာသုတ်များများရွတ်ပါ။

·         ရန်ကုန်ပြန်ခွင့်မကြုံနိုင်သေးသူများ နောက်နှစ်ပြန်နိုင်အောင် ကြိုးစားပါ…။ လက်ရှိရောက်နေရာ အရပ်မှာ ပျော်ရွှင်ပါစေ။

·         ဘာပဲဖြစ်ဖြစ် အားလုံးပဲ ပျော်ရွှင်နေပါစေ….။ ချစ်စရာ weekend ရောက်လို့လာပြန်ပြီ မဟုတ်ပါလားရှင်။

မနေ့ကဒီပို့စ်ရေးပြီးတဲ့အထိ ပို့စ်ရဲ့ခေါင်းစဉ်က ရွှေမြို့တော်ဆီ ပါ။ ဒီနေ့ရောက်ခါမှ ရတနာနဲ့ပတ်သက်ရင် စိန်မကြိုက်တဲ့ ကျွန်မအဖို့ စိန် နာမည်ကြားရင်တောင် အလိုလိုပျော်လာမိလို့ စိန်မြို့တော်ဆီ လို့ပြောင်းလိုက်ပါတယ် ကျွန်မတို့ရဲ့ သမ္မတကြီးကို ဂုဏ်ပြုသောအားဖြင့်…..း)) သမ္မတကြီး ကျန်းမာ၊ ချမ်းသာ၊ ဘေးရန်ကွာပါစေကြောင်း ဆုမွန်ကောင်းတောင်းရင် ဒီတင်ပဲ နိဂုံးချုပ်ပါတယ်ရှင်။ 

သမ္မတကြီး နှင့် စာရှုသူများအား လေးစားသော

မိုးပန်းချီ