Wednesday, December 21, 2011

အို…..ဒီဇင်ဘာ…



ဒီဇင်ဘာ နဲ့ နှင်းဟာ ကိုယ်သတိမမူလိုက်မိခင်လေးမှာပဲ ကိုယ့်ဘဝထဲ တစ်ဆတစ်ဆ တိုးဝင်လာတယ်။ ဖန်တရာတေအောင်ဖတ်ဖူး၊ ကြားနာဖူးထားပြီးသား  ဒီဇင်ဘာ နဲ့ နှင်း အကြောင်းကတော့ ပုံသေကားကျသီအိုရီ တစ်ခုထဲကမထွက်ပေမယ့် မရိုးနိုင်တဲ့ ခေတ်ဟောင်းသီချင်းတစ်ပုဒ်လို ကာရန်တွေ၊ စာသားတွေချိုမြနေပြီး၊ ကိုယ်ဖတ်နေကျ စာအုပ်အဟောင်းအနွမ်းတစ်အုပ်လို ဘယ်အချိန်ထိကိုင်မိပါစေ ဟောင်းပေမယ့် ရနံ့တစ်ခုသင်းပျံ့နေဆဲ….။ သိလိုက်တဲ့အချိန်မှာတော့ ဒီဇင်ဘာဟာ အေးခဲပြီး နှင်းမှုန်လေးတွေက ဖြူလွနေကြတယ်ဆိုတာပဲ။ 

ဟိုးအရင်အချိန်တွေကို ပြန်တွေးကြည့်မိတဲ့အခါ ဒီဇင်ဘာဟာ ကိုယ်နဲ့ သူစိမ်းပြင်ပြင် ရှိနေခဲ့တဲ့ အကြောင်းကိုလည်း သတိရတတ်ရင် အမှတ်တရပဲ မဟုတ်လား။ ဒီဇင်ဘာဟာ ဘာကြောင့်အေးခဲနေပြီး၊ နှင်းတွေဟာဘာကြောင့် ဖြူဖွေးနုလွ နေရသလဲဆိုတာတော့ ယောင်လို့တောင်မတွေးမိခဲ့။ အချိန်တစ်ခုခုရောက်ပြီဆိုရင် ကောင်းကင်ဟာ စောစောညိုမှိုင်းတတ်ပြီး၊ တိမ်တွေနေစရာမရှိတာ၊ ငှက်တွေစောစောအိပ်တန်းတက်ကြတာ၊ ကိုယ်အိပ်တဲ့အိပ်ယာတွေ အေးစက်နေတတ်ခဲ့တာ၊ နှင်းအိပ်မက်မဟုတ်ပဲ ဆောင်းအိပ်မက်ဆိုတာတွေ မက်တတ်ခဲ့တာ၊ သည်အရာတွေဟာ ဒီဇင်ဘာဆိုရင် ကိုယ်ဘာမှမပြောလိုတော့ဘူး..။ ဒါဆိုရင် အဲဒီ ဒီဇင်ဘာဆိုတာဟာ ကိုယ်မသိလိုက်ပဲ ရင်းနှီးကျွမ်းဝင်နေခဲ့တဲ့ သူစိမ်းပြင်ပြင်ပေါ့…..။ ဒါဆိုရင် ကိုယ်တိုင်ရင်းနှီးကျွမ်းဝင်အောင်တော့ အားမထုတ်ခဲ့ရပါပဲ...ကိုယ့်ဆီကို ဒီဇင်ဘာက ခြေသံခပ်ဖွဖွ၊ ခပ်လုံလုံကလေးနဲ့ချည်းနင်းဝင်ရောက်နေခဲ့တာပေါ့…။ ဒါဆိုရင် ဒီဇင်ဘာကိုယ်တိုင်က ကိုယ့်ကို ခံစားတတ်အောင် စေညွှန်းသူပေါ့…။ ဒီလိုတော့လည်း မဟုတ်သေးပါဘူး..။ 

အို…ဒါလေးလောက်နဲ့တော့ ဒီဇင်ဘာဟာ ရင်ခုန်စရာမကောင်းပြန်ပါဘူးလေ။ သူ့ဘာသာအေးခဲတာ၊ သူ့ဘာသာနှင်းကျတာ၊ သူ့ဘာသာ မီးပွင့်ရောင်စုံတွေကို စီခြယ်စေခဲ့တာ၊ သူ့ဘာသာပွဲလမ်းသဘင်တွေ ဆင်ယင်ပြီး လူတွေရဲ့စိတ်ကိုညှို့ယူ ဆွဲငင်နေတာ…ကိုယ်နဲ့ဘာဆိုင်သလဲ..? တစ်ချိန်တုန်းကတော့  ပြတင်းတံခါး ခပ်စေ့စေ့ပိတ်ထားတာတောင် ချမ်းစိမ့်နေသေးတဲ့ခံစားချက်ကို သတိရနေမိတယ်။ အပြင်ကဂီတသံတစ်ချို့ ကိုယ့်အခန်းထဲကို ဇွတ်တိုးဝင်ဖို့ကြိုးစားနေခဲ့ကြတယ်။ ဆူညံသံတွေမဟုတ်တဲ့ သာယာငြိမ့်ညောင်းတဲ့အသံမျိုးပေမယ့် ကိုယ့်ကိုနည်းနည်းမှ သွေးဆောင်ဖျားယောင်းမနေခဲ့ဘူး….။ တံခါးတွေစေ့ပိတ်ထားတာတောင် အပြင်ကမီးရောင်လဲ့လဲ့တစ်ချို့နဲ့ ဂီတသံသဲ့သဲ့ တစ်ချို့ကကိုယ့်အိပ်ခန်းကို အတင်းအဓမ္မ တန်ဆာဆင်နေခဲ့ကြတယ်။ 

Saturday, December 10, 2011

တွဲလက်များ...

တွဲလက်များ….။

တွဲလက်များဆို..ဟိုသွားသတိရတယ်…။ သီချင်းလေးတစ်ပုဒ်ပါ…။ ထူးအယ်လင်း နဲ့ မီးမီးခဲ ဆိုထားတာပေါ့..။

ဘဝအချိန်ခဏလေး…ရှင်သန်ခွင့်ရ..တို့ဘဝတစ်သက်တာ…အပေါင်းအသင်းတွေကြား….မင်းနဲ့တို့ဟာ ကြင်နာစွာ….
အချစ်လိုအင်တိုင်း….လိုအပ်တိုင်းပဲ…မင်းအနားရှိမှာ….
မပြောင်းလဲပါဘူး….မင်းအတွက်ကိုယ့်မှာ ကြည်ဖြူစွာ….

အားငယ်ချိန်တိုင်း…အနားမှာအစဉ်အားပေးခဲ့တာ…မင်းရဲ့အပြုံးတွေပဲ…ချစ်စရာ ဒီအပြုံးလေး….။
အပြုံးလေးများနဲ့ တို့ဘဝကို ဖန်တီးဆေးခြယ်…ရင်ဆိုင်မယ် အဆိုးဆုံးကြုံလဲ…
အကောင်းဆုံးနေ့များ မျှဝေလို့ တို့ခံစားကြမယ်…
ယုံကြည်ထားတယ်…ခိုင်မာသော….တွဲလက်များ…ရယ်….

သီချင်းတော့သိပ်မရတော့ဘူး…တမင်ကိုမေ့ထားတာ။ နာမည်ကြီးမင်္ဂလာပွဲတစ်ခုမှာ သုံးထားတာကြောင့်လည်းပါတယ်။ ဘာမှတော့မဆိုင်ဘူး..။ ကိုယ့်ဘာသာ နှလုံးသားကလက်မခံတော့တာပါပဲ..း)) စာသားလေးတွေက ဘယ်အချိန်နားထောင်ထောင်၊ ဘယ်အချိန်ကြားလိုက် ကြားလိုက်…တိုက်ဆိုင်မှုရှိသူတွေအတွက်တော့ ကြည်နူးစရာ၊ သတိရစရာတွေပြည့်လို့။ မတိုက်ဆိုင်တဲ့ သူတွေအတွက်တော့ ခဲနဲ့ထုချင်စရာ..။ ကျွန်မကတော့ တိုက်ဆိုင်မှုမရှိတဲ့အချိန်နဲ့ကြုံလာရင် ခဲနဲ့တော့မထုပါဘူး..နားမထောင်ပဲနေလိုက်တာပေါ့..။

ဒါပေမယ့်..အရေးကြုံလို့ ရေးစရာရှိလာတော့လည်း…အဲဒိတွဲလက်များကို ခဏလောက်တော့ ခလုတ်တိုက်ချင်ပါတယ်ရှင့်။ အဲဒိ တွဲလက်များအကြောင်းပဲ နည်းနည်းပြောပြချင်လာပါတယ်။ ဘာရယ်လည်းမဟုတ်ပါဘူး…။

Monday, December 5, 2011

ဝိရောဓိ သေတ္တာတစ်လုံး…

                                                                               ဘယ်သူမှမမြင်ရတဲ့…ဟိုးအတွင်းဘက်နားမှာ သေတ္တာတစ်လုံး..
 
ပထမ…
ပင့်သက်တစ်ချို့…သိမ်းကြုံးလို့ထည့်..
ခပ်ပြုံးပြုံးပါပဲ…။

ဒုတိယ…
အလိုမကျမှုတွေ…အပြည့်အသိပ်သိမ်း…
ခပ်စိမ်းစိမ်းနေတော့မယ်…။

တတိယ…
ဝမ်းနည်းတာတွေ…ထိုးသိပ်သွတ်သွင်း…
ခပ်ရှင်းရှင်းလေးနေချင်တယ်…။


စတုတ္ထ…
ကျမျက်ရည်တွေ…သေချာထုပ်ပိုး…
ခပ်ရိုးရိုးကလေးပါပဲ…။

ပဉ္စမ…
ခေါက်ရိုးကျိုးကျိုး…အလွမ်းတစ်ချို့…
အင်း……ခပ်တိုးတိုးကလေးတော့..လွမ်းမောချင်သေးတယ်…။

ကဲ…
ဖြစ်ချင်ရာဖြစ်…သေတ္တာရဲ့အပြင်ဖက်က…
သော့ခတ်ဖို့လိုလာပြီဆို…
မလျော့မတင်းတော့…ဖြစ်ပါစေ…။
နောက်ထပ် နှောင်ကြိုးတွေရစ်ပတ် မလာခင်ကလေး…
နောက်ထပ် လှည့်ဖျားသွေးဆောင် မခံရခင်ကလေး…
နောက်ထပ်…အလွမ်းတွေသံစဉ်ဖွဲ့မလာခင်ကလေး…

နောက်ထပ်…………………………………….
နောက်ထပ်………………………………………………..
နောက်ထပ်………………………………………………………………..။

xဝ xဝ xဝ xဝ xဝ xဝ xဝ xဝ xဝ
း) ဇို  ဇို  ဇို  ဇို  ဇို  ဇို  ဇို  ဇို  ဇို  ဇိုး)


Monday blue ကြောင့်ပဲထင်ပါတယ်။ ထွက်ကျလာတာတွေကလည်း ပြာတာတာ နှမ်းတမ်းတမ်းတွေ။ ခုတစ်လော..ဘာမှန်းမသိပါပဲ…အဲဒါတွေနဲ့အချိန်ကုန်နေတယ်…း) မရည်ရွယ်ပါပဲ လွမ်းမောစရာတွေ ကူးစက်ခံလိုက်ရတယ်ဆိုရင်တော့ အဲဒီသေတ္တာထဲသာ ထိုးသိပ်ပြီးပြန်ထည့်ခဲ့ပါ…းP ပျော်ပျော်ရွှင်ရွှင်ကလေးဖြစ်သွားရအောင်း))…။

ရက်သတ္တပတ်ရဲ့ အစမှာ အားလုံးပျော်ရွှင်ငြိမ်းချမ်းကြပါစေရှင်…။

မေတ္တာမွန်ဖြင့်…
မိုးပန်းချီ