Monday, May 30, 2011

နေခြည်မှာ...ရွှေရည်လောင်း

ညနေ၊ နေဝင်ရီတရောအချိန်၊ အတိအကျဆိုရရင် ညနေ ခြောက်နာရီထိုးဖို့ ငါးမိနစ်။ ခြံဝင်းအဝင်ဝနားမှာ တန်းစီရပ်နေတဲ့ သနပ်ခါးအဖွေးသားနဲ့ ကလေးတွေ။ ဝင်လာလို့ မပြောမချင်း ရပ်နေကြဦးမယ်ထင်ပါရဲ့။    ဝင်ခွင့်ပေးလိုက်တော့ ပြုံတိုးပြီးဝင်လာကြလေတယ်။ လမ်းမှာတွေ့ရင်တော့ အမြဲရယ်ပြလေ့ရှိပြီး ဒီနေ့ကျမှ သူတို့လေးတွေရဲ့မျက်နှာမှာကြောက်နေသလိုအမူအရာတွေနဲ့။ လူခြောက်ယောက်စာ ထမင်းစားပွဲခုံဝိုင်းမှာ လေးယောက်သာရှိတဲ့ သူတို့တွေကတိုးဝှေ့ပြီးနေရာယူလိုက်ကြတယ်။ ပြီးတော့ စားပွဲရှေ့တည့်တည့်မှာရပ်နေတဲ့ ညိမ်း ကိုကြောင်စီစီကြည့်နေကြတယ်။ ညိမ်းကတော့ပြုံးစိစိမျက်နှာပေးနဲ့ ဘာကိုသဘောကျနေမှန်းမသိ။ 
“မင်္ဂလာပါ မမ”။
နှုတ်ဆက်လိုက်ကြတော့လည်းမညီမညာ တစ်ယောက်တစ်ပေါက်။ နာမည်တွေရေးဖို့ ညိမ်းက ကလေးတွေရဲ့ စားပွဲအလယ်ကို စာရွက်တစ်ရွက်ထိုးပေးလိုက်တယ်။ သူတို့ကို ထိုင်စရာပေးထားတဲ့နေရာက သာသနာ့အလံတွေတပ်ထားတဲ့ဘုရားခန်းမို့လားမသိ ထိုင်နေပုံကမလွတ်မလပ်ဖြစ်နေလိုက်ကြတာ။ ဘွားခင် ကတော့သူတို့နဲ့တည့်တည့် ဧည့်ခန်းထဲက ပက်လက်ကုလားထိုင်တစ်လုံးပေါ်မှာ။ ကလေးတွေကိုအကဲခတ်တဲ့မျက်လုံးတွေနဲ့ကြည့်လို့။ သင်းကလေးတွေနဲ့ ညိမ်းဘယ်လောက် ရေရှည်ခံမလဲဆိုတာကြည့်ကြသေးတာပေါ့ဆိုတဲ့ အကြည့်မျိုး။ ဘွားခင်ရဲ့မြေးမ ညိမ်းက တစ်ဆယ့်ခြောက်နှစ်သာရှိသေးတာကိုး။ ရေးပြီးသားစာရွက်ပေါ်ကနာမည်တွေကိုရွတ်ကြည့်ပြီး ညိမ်းက မအော်ရုံတမယ် ရယ်တယ်။ သူတို့ကလည်း လိုက်ရယ်တယ်။ “ရယ်စရာအချိန်မဟုတ်တော့ဘူး စာအုပ်ထုတ်” ဆိုပြီး ညိမ်း ခပ်တည်တည်ဆိုလိုက်တော့ ကြောင်ပြီးကြည့်နေကြပြန်တယ်။ သြော်..ဒီနေ့မှ ညိမ်းရဲ့ ကျောင်းကလေး စဖွင့်တဲ့ ပထမဦးဆုံးနေ့ကိုး။

----------------******----------------

          သူ့အမေပေးထားတဲ့ နာမည်တွေများ ကြည့်ပါဦး..။ မှတ်ကြီးတဲ့။ ဘယ်နေရာမှာမှ အမှတ်ရှိတာမတွေ့မိပါပဲ သူ့ကိုဘာကြောင့် မှတ်ကြီးလို့ခေါ်သလဲဆိုတာ သူ့အမေသာလျှင်သိတော့မှာပဲ။ နောက်တစ်ယောက်က ပျော့ကြီးတဲ့။ နာမည်နဲ့အင်မတန်မလိုက်ဖက်အောင် မာလိုက်တာများ ပြောမနေပါနဲ့၊ ခေါင်းမာတဲ့နေရာမှာ သူ့အပြင် နှစ်ယောက်မရှိဘူး လို့ သူတို့အမေပြောနေကျ..။ အကြီးဆုံးသားနာမည်က ခေါ်ရအဆိုးဆုံး၊ မရိုသေ့စကား.. ဘောကြီးတဲ့။ အဲဒိနာမည်ကိုတော့ သူ့အမေအပြင် ဘယ်သူမှမခေါ်ရဲကြပါဘူး။ ရပ်ကွက်ထဲကလူတွေ အဲလိုခေါ်ရင်သူက ဆဲဆိုကြိမ်းမောင်းတော့တာ။ အစသန်တဲ့သူများကိုတော့ တွေ့ရာသင်္ချိုင်းဓားမဆိုင်းပဲ၊ အနားမှာတွေ့တာနဲ့ ပစ်ပေါက်တာပဲ..။ ဘောကြီးအောက်က မေဇင်ဆိုတဲ့ကလေးမကိုတော့ သူ့အမေက ဇင်မ လို့ခေါ်တယ်..။ အသက်တစ်ဆယ့်နှစ်နှစ်သာသာရှိသေးပေမယ့် ပြည့်ပြည့်ကစ်ကစ်ကလေးမို့ အရပ်ကစနောက်ခေါ်ကြပြန်တယ်.. ဆင်မတဲ့..။ နာမည်အရင်းတွေတော့မဟုတ်ပါဘူး။ အရင်းတွေမဟုတ်ဘူးဆိုတော့ နာမည်ဝမ်းကွဲတွေလို့ဆိုရမလို။ အိမ်ခေါ်နာမည်ပြောင်တွေပါ..။ ဒါပေမယ့် ရပ်ကွက်ထဲကလူတွေကလည်း သူတို့နာမည်ပြောင်တွေခေါ်ရင်း နာမည်ရင်းတွေတောင်မေ့လို့။ ဘောကြီးနာမည်ရင်း ကျော်စွာဆိုတာကလွဲလို့ပေါ့လေ..။ ကျော်စွာဆိုတဲ့ နာမည်ကိုတော့ ရပ်ကွက်ထဲလူတွေ အသည်းစွဲအောင် မှတ်ထားကြလေရဲ့..။
          
          သူတို့မောင်နှစ်မလေးတွေရဲ့ ဘဝဟာ အတော်ကိုမပြည့်စုံကြပါဘူး။ မပြည့်စုံဆို သူုတို့လေးတွေရဲ့ မိဘတွေကဆင်းရဲတာကိုး..။ ဘယ်လောက်များဆင်းရဲသလဲလို့ အမေနာမည် မဌေး၊ အဖေနာမည် မောင်ဌေးတဲ့။ နာမည်တစ်လုံးတည်းကို လင်ရောမယားပါပိုင်ဆိုင်ထားကြတာသာကြည့်တော့။ အရပ်ကတော့ ယောင်္ကျားလုပ်သူကို ကိုမောင်ဌေးလို့ ခေါ်ကြလေရဲ့။ မဌေးက ကြုံရာကျပန်းဈေးရောင်းတယ်။ ကိုမောင်ဌေးက ဆိုက်ကားနင်းတယ်။ မိသားစုစားဝတ်နေရေးကတော့ ချောင်ချောင်လည်လည်မရှိရှာဘူး။ ဒါတောင် ကိုမောင်ဌေးကအရက်ကလေးတမြမြနဲ့၊ မိုးလင်းရင် အရက်နဲ့မျက်နှာသစ်ပြီး၊ ညဖက်မှာ အရက်ကိုဖက်အိပ်သူ။ 

          မဌေးနဲ့ကိုမောင်ဌေး ရန်ဖြစ်စကားများကြပြီဆို ကိုမောင်ဌေးကထရိုက်၊ မဌေးကအော်ငို၊ ကလေးတွေက ချောင်လေးမှာကုပ်လို့။ ကျော်စွာကတော့ အဖေနဲ့အမေရန်ဖြစ်ရင် ဝုန်းကနဲဆိုအိမ်ကနေထွက်သွားတတ်တယ်။ ဒီလင်မယားရန်ဖြစ်ရင် တစ်ဝုန်းဝုန်းတစ်ဒိုင်းဒိုင်းနဲ့ အော်နေ၊ ဟစ်နေ၊ ငိုယိုနေသံတွေကတော့ ရပ်ကွက်ငယ်လေးမှာ ဒိုးယိုပေါက်မကြားချင်မှအဆုံး။ ကိုမောင်ဌေးဘယ်လောက်ရိုက်ရိုက် မဌေးကတော့နောက်တစ်နေ့မနက်ရောက်ရင် အညိုအမည်းစွဲနေတဲ့ မျက်နှာပေါ်ကဒဏ်ရာအချို့ ကိုသနပ်ခါးထူထူကြီးလိမ်းလို့အပြုံးမပျက်အိမ်လည်ပြီးဈေးရောင်းမြဲ။ အရပ်ထဲကလူတွေက မဌေးကိုသနားပေမယ့် ဘာမှမတတ်နိုင်ဘူး။ ရိုးလည်းရိုးနေပြီကိုး။

----------------******----------------

          တစ်နေ့တော့မဌေးခမျာ ဘွားခင်ဆီရောက်လာပြီး ငိုကြီးချက်မနဲ့တိုင်တောနေတော့တာပဲ။ ရပ်ကွက်ထဲမှာလည်း မဌေးအားကိုးပြီး တိုင်တည်တာဆိုလို့ ဘွားခင်ပဲရှိတာ။ ကိုမောင်ဌေးကြောက်တာ၊ လေးစားတာဆိုလို့ ဘွားခင်တစ်ယောက်ပဲလေ။ အဲဒီတော့ မဌေးက အကြောင်းရှိရင် ဘွားခင်ဘူတာပဲဆိုက်တာပေါ့။ မဌေးခမျာ ရှိုက်ကြီးတစ်ငင် ငိုသံ ဗလုံးဗထွေး နဲ့ ပြောနေတာတွေကတော့ ကိုမောင်ဌေးရဲ့လူမဆန်ရိုက်ချက်တွေ၊ ကလေးတွေမျက်နှာကြောင့်သူ့ကိုပေါင်းနေရပေမယ့် တစ်နေ့မှစိတ်မချမ်းသာပုံတွေ၊ အချုပ်ကတော့ ကလေးတွေရဲ့ကျောင်းစရိတ်မလောက်ငှတော့လို့တစ်ကြောင်း၊ ကျူရှင်လည်းမပေးနိုင်လို့ ကလေးတွေစာညံ့လို့ကတစ်ကြောင်း ကျောင်းဆက်မထားဖို့စီစဉ်ရတော့မယ်ဆိုတာတွေပဲ။ ဘွားခင်က ကိုမောင်ဌေးကိုလည်းဒေါသထွက်၊ မဌေးကိုလည်းဆူလိုက်တယ်။ ကလေးတွေကိုကျာင်းထုတ်ဖို့ကြိုးစားရင် ညည်း ငါ့အိမ်ကိုမလာနဲ့တော့အေဆိုပြီး ဘွားခင်ကသူ့ချွေးခံအိပ်ထောင်ထဲက ကျစ်နေအောင်လိပ်ထားတဲ့ပိုက်ဆံအချို့ ကိုတော့ပေးလိုက်သေးတယ်။
        
          ဇာတ်လမ်းကအဲဒီမှာစတာပဲလေ။ နောက်တစ်နေ့မှာတော့ မဌေးရဲ့ကလေးတွေ ညိမ်းဆီရောက်လာတော့တာပဲ။ မကောင်းကျောင်းပို့တော့မဟုတ်ပါဘူး။ ညိမ်းကိုယ်တိုင်ကလိုလိုလားလား ကလေးတွေကိုစာပြပေးဖို့ ဘွားခင်ဆီမှာခွင့်တောင်းခဲ့တာ။ ပထမတော့ဘွားခင်ကမဖြစ်နိုင်ပါဘူးအေတဲ့။ ငါနားငြီးမခံနိုင်ဘူးအေတဲ့။ နောက်တော့လည်းသဘောတူလိုက်တယ်။
        
           ခုတော့လည်း သူတို့ကျောင်းက ညနေငါးနာရီကျောင်းဆင်းပြီဆို ညိမ်းဆီကို ခြောက်နာရီတိတိမှာရောက်လာတာပဲ။ ကျောင်းကလည်းအိမ်နောက်မှာကိုး။ ကျောင်းကပြန်လာပြီဆိုနေစော်နံနေတဲ့ သူတို့ကို မဌေးက ကမန်းကတန်း ရေတစ်ခွက်သောက်ခိုင်း၊ တစ်အောင့်နေတော့ ရေမိုးချိုးစေပြီး သနပ်ခါးအဖွေးသားဗျစ်ထူကြီးတွေလူး၊ ထမင်းဇလုံအကြီးကြီးထဲမှာ ရှိတဲ့ဟင်းရည်တို့၊ ငါးပိရည်တို့နဲ့ နယ်ဖတ်ပြီးကလေးသုံးယောက်ကိုလက်နဲ့ထိုး ခွံပြီး၊သွပ်ပြီး လွှတ်လိုက်တာပဲ။ 

အကြီးကောင်ကျော်စွာကလွဲလို့ပေါ့။ ကျော်စွာကတော့ကျောင်းမနေတော့ပါဘူး။ လေးတန်းနဲ့ကျောင်းထွက်ထားတာ။ ညိမ်းရဲ့ ကျောင်းသားတွေထဲမှာ မဌေးတို့ဘေးအိမ်က နှစ်တန်းတက်နေတဲ့ လုံးလုံးဆိုတဲ့ကောင်မလေးလည်းပါသေးရဲ့။ လုံးလုံးရဲ့မိဘတွေကလည်းဆင်းရဲကြတော့ လုံးလုံးကလေးကို အများနည်းတူကျူရှင်မပေးနိုင်ဘူးမဟုတ်လား။
ညိမ်းဆယ်တန်းအောင်ပြီးကတည်းက တက္ကသိုလ်တက်ဖို့စောင့်ရင်း၊  အခြားဘာသာစကားသင်တန်းနဲ့ နည်းပညာဆိုင်ရာသင်တန်းတက်ရင်းသာ အချိန်တွေကုန်စေခဲ့တာ။ 

ဒါတောင်ပိုနေတဲ့အချိန်တစ်ချို့ အတွက်အလုပ်တစ်ခုခုရှာမလားစဉ်းစားတုန်း ကလေးတွေကိုစာပြပေးဖို့အကြာင်းဖန်လာတာရယ်။ ညိမ်းမှာကကြီးကြီးမားမားငယ်အိပ်မက်တစ်ခုရှိခဲ့ဖူးတယ်။ အဲဒါကတော့ ညိမ်းကျောင်းသွားတဲ့အခါ ဘတ်စ်ကားပေါ်ကလှမ်းမြင်ရလေ့ရှိတဲ့ အလံပြဘုရားလမ်းအလွန်က ပရဟိတကျားကျောင်းလို မိဘမဲ့ကလေးများဂေဟာဖွင့်ပြီး အခမဲ့စာသင်ကျောင်းပါတွဲဖွင့်ချင်ခဲ့တာပဲ။ ခုတော့ညိမ်းရဲ့ စာသင်ကျောင်းက အခမဲ့ကျောင်းတော့ဟုတ်ပါရဲ့၊ မိဘမဲ့ကလေးတွေတော့မဟုတ်ဘူးရယ်။ ဘာပဲဖြစ်ဖြစ်ခုလိုအခမဲ့စာသင်ပေးရတာကိုက ညိမ်းရဲ့အိပ်မက်တစ်ချို့ ကိုအကောင်အထည်ဖော်ပေးလိုက်သလိုပဲလို့တောင် ညိမ်းကအထင်ရောက်နေတာ။
         
          ကျောင်းသားလေးယောက်သာရှိတဲ့ ညိမ်းရဲ့အခမဲ့ကျူရှင်ကျောင်းကလေး တစ်ပတ်အတွင်းမှာ စာအံသံတွေ၊ ကဗျာအလင်္ကာသံတွေနဲ့စိုပြေလို့။ ဘွားခင်ကခုတော့ ပျော်နေပြီ။ ကလေးတွေအတွက် ဆီထမင်းထိုးပေးထားရတာနဲ့၊ ခြင်ကိုက်မှာစိုးလို့ခြင်ဆေးခွေထွန်းပေရတာနဲ့၊ ဘာနဲ့ညာနဲ့ပေါ့လေ၊ အလုပ်ကိုရှုပ်နေတာပါပဲ။
ညိမ်းကစာလိုက်အံပေးရင် သူတို့တွေ စာအရမြန်ကြတယ်။ ကဗျာတွေဆိုရင်လည်းစာလုံးပေါင်းမမှားရအောင် နှစ်ခေါက်၊သုံးခေါက်ရေးခိုင်းပြီး လက်ရေးလှပါစစ်သေးတာ။ ညိမ်းရဲ့အသည်းစွဲက မှတ်ကြီးဆိုတဲ့ အငယ်ဆုံးကောင်။ စကားကလည်းခြောက်နှစ်သာရှိပြီ၊ ခုထိမပီကလာ၊ ပီကလာဖြစ်တုန်း။ မဌေးကလေးတွေအကုန်လုံး ကျောင်းထားနောက်ကျကြတယ်။ မှတ်ကြီးကခုမှ သူငယ်တန်း။ ပျော့ကြီးက အသက်ရှစ်နှစ်နဲ့ ခုမှ နှစ်တန်း၊ မေဇင်က အသက် ဆယ့်နှစ်နှစ်နဲ့ ငါးတန်းသာရှိသေးတာ။ မဌေးရဲ့ဘေးအိမ်က အသက်ခြောက်နှစ်နဲ့ တစ်တန်းတက်နေတဲ့ လုံးလုံးတစ်ယောက်သာ ကျောင်းထားနောက်မကျတာ။ 

          တစ်ပတ်လောက်နေတော့ သူတို့လေးတွေနဲ့ ညိမ်းကတစ်သားတည်းကျနေပြီ။ သူတို့ကလည်း မမခေါ်နေရာကနေ ဆရာမ တဲ့ ပြောင်းခေါ်နေကြပြီ။
မှတ်ကြီးကမှတ်ဥာဏ်တော့အတော်ကောင်းသား။ စာလိုက်ဆိုပေး၊ ရေးပေးရင် ခဏလေးနဲ့မှတ်မိတတ်တယ်။ ဒါပေမယ့် အိမ်ရောက်ရင်စာတွေပြန်မေ့ကုန်ရောတဲ့။ အိမ်မှာနေရင်း ညိမ်းပေးထားတဲ့ လေးကျောင်းမျဉ်း လက်ရေးလှစာအုပ်မှာလည်း လက်ရေးလှကျင့်တယ်လို့ဆိုတယ်။ မေဇင်က သူ့မောင်လေးအကြောင်း အမြဲပြန်ပြောပြတတ်တယ်။ ဆရာမကမှတ်ကြီးကို လက်ရေးလည်းလှအောင်မရေးဘူးလို့ ပြောလိုက်တုန်းက အိမ်ပြန်ရောက်တော့ငိုသတဲ့။ ပြီးတော့လက်ရေးလှကျင့်နေတာအိပ်ခါနီးထိဆိုပဲ။ ဒါကြောင့်မို့သူ့အမေက မှတ်ကြီးလို့နာမည်ပေးထားတာနေမှာပဲ။ 

          ပျော့ကြီးအကျင့်ကတော့ စာအုပ်တွေကိုလွယ်အိတ်ထဲထိုးကြိတ်ထည့်တတ်လွန်းလို့ စာအုပ်အနားတွေက စာအုပ်တစ်ဝက်နားလောက်ထိ ခေါက်တက်နေတတ်တာအဆိုးဆုံး။ ညိမ်းဆူလိုက်ရင် အသံမထွက်ပဲမျက်ရည်တွေက တာကျိုးသလိုကျလာတာ။ နောက်ပြီးသူက ပြန်မပြော၊ နားမထောင်။ သူ့ဆိုနောက်တော့ဆူဖို့မပြောနဲ့ မျက်လုံးနဲ့တောင် ခပ်တင်းတင်းမကြည့်ရဲဘူး။ အလွမ်းမင်းသားရှုံးအောင်ငိုတတ်လွန်းလို့။ ဒါကြောင့်လည်းပျော့ကြီးလိုဆိုသကိုးမဟုတ်လား။ မေဇင်နဲ့လုံးလုံးကတော့ ဥာဏ်နုံနဲရှာသူကလေးများမို့ မှတ်ကြီးနဲ့ပျော့ကြီးက အမြဲစောင့်ပြန်ရမြဲ။ ညခုနစ်နာရီခွဲပြီဆိုရင် ကျော်စွာကသူ့မောင်နှစ်မလေးတွေကိုလာတော့ ကြိုသား။ သူ့အမေပါးစပ်ကိုလည်းကြောက်လို့နေမှာ။

          ကလေးတွေကိုစာသင်လာတာ တစ်လလောက်ရှိတတ်တဲ့အခါမှာတော့ ကလေးတွေကကျူရှင်ပိတ်ရက်လည်းညိမ်းဆီပဲလာပြီး ကစားကြတာပဲ။ ညိမ်းကလည်း အပျိုရွယ်လေး ဆိုပေမယ့် သူတို့နဲ့ကစားကောင်းတုန်း။ ရုပ်ရှင်ဖွက်တမ်း၊ ဖန်ခုန်တမ်း၊ ပုံပြောတမ်း၊ ဈေးရောင်းတမ်း၊ ဂေါ်လီရိုက်တမ်းပါပါသေးရဲ့။ ညိမ်းတို့ အိမ်ခြံဝင်းကကျယ်တော့ သူတို့အတွက်ကလည်းကစားကွင်းပဲလေ။ ကစားကြတဲ့အခါ မှတ်ကြီးက အငြင်းသန်ဆုံး။
 “ရှရာမ၊ ရှရာမ တားဥစ္စာလေ၊ တားဂေါ်လီကလေ ကျွင်းထဲအရင်ရောက်တာနော် ပျော့ကြီးဟာဟုတ်ဘူးနော်” သူ့ထက်နှစ်နှစ်လောက်ကြီးတဲ့ သူ့အစ်ကိုကိုလည်းခေါ်ပုံကပျော့ကြီးတဲ့။ 

“ဟဲ့..မှတ်ကြီး..နင့်ကိုဘာပြောထားလဲ? အစ်ကိုလုပ်သူကို ကိုကိုလို့ခေါ်ပါဆိုတာ..ပြင်ခေါ်” 

မှတ်ကြီးကသူ့ဆရာမဆူတော့လည်းမျက်ထားလေးငယ်ပြီး တော့ခေါ်ရှာပါတယ်..။

“ဟုတ်..ဟုတ်ကဲ့..ပါ ကိုကိုရှရာမ” 

မှတ်ကြီးရဲ့ ကြောက်လန့်ပြီး ကမန်းကတန်း ဖြေသံအပြီးမှာတော့ အားလုံးရယ်လိုက်ကြတာ မျက်ရည်တွေတောင်ထွက်လို့။ မှတ်ကြီးတို့ များ ရှုံးလို့သီချင်းဆိုခိုင်းရင် လုံးလုံး ဆိုနေကျ “ငါတို့စာသင်ကျောင်း” ကဗျာကို သီချင်းအဖြစ်နဲ့ ရွတ်တော့တာပဲ။
“ပန်းကလေးများပွင့်တော့မည်..။ ဖူးတံဝင့်လို့ချီ..နေခြည်မှာ ရွှေရည်လောင်း..။ ငါတို့စာသင်ကျောင်း”
ဆိုပြီးညိမ်းကိုပြေးဖက်တာပဲ။ သူတို့ပြန်ပြီဆိုလည်း ညိမ်းတို့တစ်အိမ်လုံးတိတ်ဆိတ်နေခဲ့တာပါပဲ။
ဘွားခင်ဆိုရင် ညနေခြောက်နာရီထိုးဖို့ကို စောင့်နေတတ်ပြီ။ နည်းနည်းနောက်ကျပြီဆိုရင် လူလွှတ်ပြီးခေါ်ခိုင်းတတ်ပြီ။ ခြံထဲကသရက်ပင်မှာ သရက်သီးသီးလို့ အကင်းဆိုလည်း မှတ်ကြီးတို့ဖို့၊ ဝင်းရောင်ဆိုလည်းမှတ်ကြီးတို့ဖို့၊ အမှည့်ဆိုလည်းမှတ်ကြီးတို့ဖို့နဲ့ ဘွားခင် သိပ်ကြိုက်တဲ့ သရက်သီးတောင် မှတ်ကြီးတို့အိမ်ပဲရောက်နေတော့တာ။ မဌေးကလည်း ဘွားခင်ကြိုက်တတ်တာမှန်သမျှအကုန်အိမ်အရောက် သူကိုယ်တိုင်လာပေးတာပဲ။ ငါးရံ့ခြောက်ပြားတို့၊ တာလပေါဟင်းချိုတို့ဆိုတာ ဘွားခင်အကြိုက်မှန်းလည်း မဌေးကသိပြီးသားကိုး။
ဒီတစ်ခါမဌေးအိမ်လာတော့ ကလေးတွေရဲ့ ပထမအစမ်းစာမေးပွဲ ရီပို့ကက်ဒ်တွေပါယူလာပြတာ။ မဌေးကပါ သူ့ကလေးတွေကို စာသင်ပေးတဲ့ညိမ်းကို ဆရာမ..တဲ့။

“ဆရာမရေ..ကြည့်ပါဦး..သူတို့တွေအဆင့်တက်လာတာ ကျွန်မဖြင့်အံ့သြလို့မဆုံးဘူးတော်။”

မဌေးကမျက်ရည်တွေလည်နေရင်းပြောတော့ ညိမ်းလည်းငိုချင်သလိုလို။ မဌေးရော ညိမ်းပါ ပျော်တာပေါ့။ အရင်ကဆိုသူတို့အဆင့်တွေက အတန်းထဲမှာရှိတဲ့ ကျောင်းသားအားလုံးရဲ့ နောက်ဆုံးနီးပါးမှာရှိနေခဲ့တာမဟုတ်လား။ အခုတော့ အလယ်လောက်မှာဆိုတော့မဌေးတို့အတွက် ဂုဏ်ယူစရာပေါ့လေ။ ဥာဏ်မကောင်းရှာတဲ့ မေဇင်တောင် အဆင့် တစ်ဆယ့်ကိုးတဲ့လေ။ ညိမ်းကတော့ သူတို့ကိုဆုချဖို့စာအုပ်နဲ့ ခဲတံကလေးတွေဝယ်ရဦးမှာပဲလို့ စဉ်းစားရင်းပိုပျော်နေမိသေးတာ။ သူတို့တွေလည်း အူမြူးနေကြမှာ ဗေဒင်တောင်မေးစရာမလိုဘူး။ နောက်တစ်ပတ်နေတော့ ရပ်ကွက်ထဲက နောက်ထပ် ကလေးသုံးယောက်ညိမ်းဆီလာအပ်တယ်။ ကလေးမိဘတွေက ပိုက်ဆံပေးပါ့မယ်လို့လည်းပြောသေးတာ။ ညိမ်းက ကလေးတွေကိုလက်ခံလိုက်ပေမယ့် ပိုက်ဆံတော့လက်မခံခဲ့ပါဘူး။ ဒီလိုဆိုတော့လည်းညိမ်းတို့ကျောင်းက ကျောင်းသား ခုနစ်ယောက်နဲ့ လူစည်လို့ ပိုပျော်စရာကောင်းလာပါရောလား။ 

----------------******----------------

          ကျောင်းသား ခုနစ်ယောက်ဖြစ်လာတော့ ညိမ်းမှာ စာသင်ရတာပိုပင်ပန်းလာတယ်။ ဒါပေမယ့် ကလေးတွေက စာကြိုးစားလာကြလို့ အမောပြေရသူက ညိမ်းရယ်လေ။ သူတို့လေးတွေကို ညိမ်းက ကိုယ့်မောင်နှစ်မအရင်းလေးတွေတစ်မျိုး၊ ကိုယ့်ကျောင်းသူ၊ ကျောင်းသားလေးတွေလိုတစ်ဖုံ ဆက်ဆံတဲ့အခါ တစ်နေ့တစ်ခြားပိုလို့ ရင်းနှီးကျွမ်းဝင်လာတာပေါ့လေ။ တစ်နေ့များမှာ ကပ်သီးကပ်သတ် မျက်နှာကြက်မှာကပ်နေတဲ့ ညိမ်းသိပ်ကြောက်တတ်တဲ့ အကောင်တစ်ကောင်ဘုတ်ခနဲ ကျလာပါရော။
“ဟဲ့..ပလုတ်တုပ်တွေ..အိုးပုတ်တွေ” ညိမ်း ကြောက်လန့်တကြား ထအော်အပြီး စာသင်ခန်းတစ်ခန်းလုံး ဆူညံသွားတယ်။ ခဏအတွင်း သူတို့က ကြောက်လန့်နေတဲ့ ညိမ်းကိုကြည့်ပြီး သည်းသည်းသန်သန် ရယ်ကြလေသတည်းပေါ့။ ဘာလို့လဲဆိုတော့ စားပွဲခုံပေါ်ကျလာတဲ့ အကောင်ဟာ အိမ်မြောင်သေးသေးကလေးဖြစ်နေလို့လေ။ သူတို့ဝိုင်းရယ်ကြလို့ ရှက်သွားတဲ့ ညိမ်းကို ပျော့ကြီးက

“ဟော..ငါတို့ဆရာမကရှက်နေပါတယ်ဟေ့…ကရော်…ကရော်” တဲ့။ 

မှတ်ကြီးကလည်း ညိမ်းအဖြစ်ကိုကြည့်ပြီး ဝါးလုံးကွဲရယ်သေးရဲ့။
 “ဟား..ဟား..ဟား ရှရာမက ပိန်ညောင် လည်းကြောက်တာပဲ” တဲ့။

ဟွန်း..အတော်ကဲတဲ့ဟာလေးတွေလို့ ညိမ်း စိတ်ထဲက မှတ်ချက်ချလိုက်ပေမယ့် တကယ်တော့ ညိမ်းကို ကြောက်တဲ့နေရာလည်းသူတို့အပြင် မရှိတော့ဘူး။ အိမ်စာပေးလိုက်လို့ ပြီးအောင်မလုပ်လာတဲ့သူကို ညိမ်းက ထိုက်တန်တဲ့အပြစ်ပေးတာကြောင့်ရယ်။ အပြစ်ရှိတဲ့အခါရိုက်ဖို့ ကြိမ်လုံးဝယ်ထားပေမယ့်  ညိမ်း တစ်ခါမှမသုံးဖြစ်ဘူး။ နားရွက်ဆွဲထိုင်ထ နဲ့ နာရီဝက်ကြာအောင် မတ်တပ်ရပ်ခိုင်းတာ စတဲ့ အပြစ်ပေးနည်းတွေသာ သုံးဖြစ်လို့ပါပဲ။ 

          ညိမ်းရဲ့ကျောင်းသားလေးတွေဟာ ဆင်းရဲကြပေမယ့် အလွန်ချစ်စရာကောင်းကြပြန်သေးတယ်။ သူတို့ရဲ့ သီတင်းကျွတ်ကျောင်းပိတ်ရက်တုန်းကပါ။ ညိမ်းက သီတင်းကျွတ်မီးထွန်းပွဲတော်ဆို အိမ်ပြင်မထွက်တတ်တာမို့ ခြံဝနားလေးမှာထိုင်ပြီး ရောင်စုံမီးပွင့်လေးတွေကြည့်ရင်းပေါ့။ ခဏကြာတော့ ဆီမီးခွက်ကလေးတွေကိုင်ထားတဲ့ ကလေးတစ်စု ညိမ်းရဲ့ မြင်ကွင်းထဲရောက်လာလို့ အသေအချာကြည့်မိတော့ သူတို့ကလေးတွေပါ။ ညိမ်းဆီတည့်တည့်ဦးတည်ပြီး အိမ်ထဲလည်းဝင်မယ်လုပ်လို့ အပြင်မှာပဲကစားလေ ဆိုတော့ ဆရာမကိုလာကန်တော့တာတဲ့။ သူတို့လက်ထဲကဆီမီးခွက်လို့ထင်ရတဲ့ အရာလေးတွေမြှောက်လို့ပြောသေးတာ။ ရွံ့ အပြားထူထူလေးပေါ်မှာ ပုံနရိပ်ရွက်ကလေးတွေကို လေးဘက်လေးနံစိုက်၊ အဲဒီအလယ်မှာ ဖယောင်းတိုင် ပုတိုတိုသေးသေးလေးတွေကိုစိုက်ထားတဲ့ လက်လုပ်မီးခွက်ကလေးတွေလေ။ သူတို့မျက်နှာလေးတွေနဲ့ အမူအရာလေးတွေကတော့ ညိမ်းအတွက်တစ်သက်မမေ့စရာ။ သူတို့လက်ထဲက ကန်တော့မယ့်ပစ္စည်းလေးတွေကိုကြည့်လိုက်တော့ မုန့်ပဲလှော်လို့ခေါ်တဲ့ ဘီစကစ်လုံးလေးတွေပေါ်မှာ ရောင်စုံသကြားခဲလေးတွေကို ခရင်မ်ပုံစံ တင်ထားတဲ့မုန့်လုံးလေးတွေ နဲ့ ခေါင်းအုံးမုန့်ုထုပ်လေးတွေ။

“ဒါမျိုး မုန့်လုံးလေးတွေစားတယ်လို့ ဘယ်သူပြောတုန်း” လို့ ညိမ်းက စနောက်ပြီးဆိုတော့ မေဇင်က

“ ဆရာမ ဘုရားဆွမ်းတော်တင်ဖို့ပါ” တဲ့။ 

ညိမ်းမှာ ကြည်နူးရလွန်းလို့ မျက်ရည်ဝဲမိတဲ့အထိပဲ။ ကလေးတွေက ဘွားခင်နဲ့ ညိမ်းတို့တစ်အိမ်လုံးက လူကြီးတွေကိုပါကန်တော့ကြပါတယ်။ အဲဒီသီတင်းကျွတ် ညကလေးဟာ ညိမ်းတို့အတွက်တော့ပျော်စရာအပြည့်ပါပဲ။

----------------******----------------
      
          ဒီအပျော်တွေက တကယ်တော့ ညိမ်းအတွက်၊ မှတ်ကြီးတို့ ကလေးတွေအတွက် ခဏတာလိုပဲ။ နေပူပူကြဲကြဲအောက်မှာ ကလေးတွေလက်ကိုဆွဲလို့ ညိမ်းတို့အိမ်ကိုရောက်လာတဲ့မဌေးရဲ့ ခြေထောက်တွေမှာ ဖိနပ်တောင်ပါမလာခဲ့ဘူး။ မဌေးရယ်မေ့တတ်ရန်ကောလို့ ညိမ်းတွေးနေတုန်း ကလေးတွေက ညိမ်းနားအပြေးလာကြတယ်။ မဌေးကတော့ဘွားခင်ဘေးမှာကြုံ့ကြုံ့လေးဝင်ထိုင်လို့။ ခဏနေတော့ မဌေးကစကားမစခင်ငိုရှာတယ်။ ပြီးတော့ ဘွားခင်ကို ငိုသံပါကြီးနဲ့ ပြောတော့တာပါပဲ။ သူတို့အိမ်ပြောင်းရတော့မယ်ဆိုတဲ့အကြောင်း။ ကိုမောင်ဌေး လေဖြတ်ရှာလို့တဲ့။ မဌေးတစ်ယောက်တည်းစီးပွားရှာပြီး ကိုမောင်ဌေးကိုဆေးကုတဲ့အခါ ဘယ်မှာလာပြီးလောက်ငှပါ့မလဲ။ အဲဒီတော့ မဌေးကသူ့အမေအိမ်ရှိရာ တိုးကြောင်ကလေးကိုပြန်ရမှာ။ ခုဒီမှာရှိတဲ့အိမ်ကိုရောင်းရင် ငွေပိုငွေလျှံလေးထွက်လာတော့ ကိုမောင်ဌေးကိုလည်းဆေးကောင်းကောင်းကုလို့ရမှာပေါ့။ အနည်းဆုံးတော့ကလေးတွေ ထမင်းနပ်မှန်တာပေါ့။
မှတ်ကြီး၊ ပျော့ကြီး နဲ့ ဇင်မတို့ကတော့ ညိမ်းလက်ကိုဆွဲပြီး မျက်ရည်တွေကျလို့။ ပျော့ကြီးက ဒီတစ်ခါတော့သိပ်အငိုမသန်တာကျေးဇူးတင်ရမှာပဲ။ နို့မဟုတ်ရင် ညိမ်းလည်းငိုဦးမှာမဟုတ်လား။ 

          ညိမ်းကအိမ်နံရံကိုမှီထားရင်း သူတို့ကိုသာငုံကြည့်နေမိတာ။ ဘယ်လိုခံစားရမှန်းလည်းမသိတော့ဘူး။ ရင်ဘတ်ထဲက အောင့်လာတာတော့သိတယ်။ ဘယ်ကဘယ်လိုရောက်လာမှန်းမသိတဲ့ ကျော်စွာကလည်းမျက်လုံးတွေနီရဲလို့။ ပြိုတော့မယ့် မိုးလိုရယ်။ ကျော်စွာကညိမ်းနဲ့ အသက်အတူတူရယ်မို့ ကလေးတွေကိုလာကြိုတိုင်း ရှက်လို့လားမသိ အိမ်ထဲဘယ်တော့မှမဝင်တတ်သူ။ ခုတော့ ဘာရယ်ကြောင့်မှန်းမသိ ညိမ်းနဲ့မှတ်ကြီးတို့ရှေ့ နားမှာတွေတွေကြီးရပ်လို့။ 

“နင့်ကိုကျေးဇူးအများကြီးတင်ပါတယ် ဆရာမရယ်” တဲ့။ 

ဆရာမလဲခေါ်သေး၊ နင်နဲ့ငါနဲ့လည်းပြောသေးတဲ့ တကယ့်ဂွစာ ကျော်စွာ။ ဒါပေမယ့်သူကကျေးဇူးစကားဆိုလာလို့ ကျေးဇူးတောင်ပြန်တင်ရမလို။ ညိမ်းကခေါင်းငြိမ့်ပြီး ပြုံးပြရုံသာတတ်နိုင်တော့တယ်။ အရင်တုန်းကစာသင်ချိန်တွေမှာဆို သိပ်စကားများတတ်တဲ့ မှတ်ကြီးနဲ့ပျော့ကြီးလည်းတစ်အိအိနဲ့ ရှိုက်ငိုနေလိုက်တာ အသံတောင်မထွက်သလိုပါပဲလား။ ညိမ်းဆီမှာစာလာမသင်နိုင်တော့မှာမို့ လွမ်းလို့လား။ သူတို့အဖေလေဖြတ်လို့လား။ အိမ်ပြောင်းရတော့မှာမို့လား။ ဘာကြောင့်ရယ်မှန်းမသိပေမယ့် သူတို့တကယ်ကိုဝမ်းပန်းတနည်းဖြစ်နေကြတာ။
ကလေးတွေကိုကျာင်းထုတ်ဖို့ကြိုးစားရင် ညည်း ငါ့အိမ်ကိုမလာနဲ့တော့အေဆိုပြီး ဘွားခင် မပြောနိုင်တော့ဘူး။ ညည်းငါ့အိမ်ကိုလမ်းကြုံလို့ဝင်ချင်ဝင်၊ မဝင်ချင်နေပါအေ ငါ့မြေးတွေကိုတော့ ဟိုရောက်ရင်ကျောင်းမထုတ်နဲ့နော်။ ငါ့ကိုကတိပေးပါအေတဲ့။ မျက်ရည်တွေကို ခါးပုံစထုတ်ပြီးဝတ်ထားတဲ့ ထမီနဲ့ခပ်မြန်မြန်ဆွဲသုတ်လိုက်ပြီး ခေါင်းတွင်တွင်ညိတ်လို့ ကတိပေးနေတဲ့ မဌေးကိုကြည့်ပြီး ကျော်စွာရောငိုတော့တာပဲ။
တစ်ချိန်လုံးတိတ်ဆိတ်နေတဲ့ မေဇင်ကညိမ်းနားတိုးကပ်လာပြီး 

“ဆရာမ…သမီးတို့ ဒီကိုပြန်လာလို့ရတယ်မဟုတ်လား..။ သမီးတို့ကိုစာသင်ပေးဦးမှာမဟုတ်လား? ဆရာမနဲ့ သမီးတို့ရဲ့ကျောင်းလေးကို သမီး….သမီး….” 

အဖျားမှာတိမ်ဝင်သွားတဲ့ အသံနဲ့ပြောပြော ငိုငိုလုပ်နေတဲ့မေဇင်ကိုတော့ ညိမ်းမကြည့်ရက်တော့ဘူး။ ခေါင်းကိုလည်းဘယ်နှစ်ခါညိတ်မိမှန်းတောင်မသိတော့တာ။ ညိမ်းလက်ကိုကိုင်ပြီး စာတစ်စောင်ထည့်လိုက်တာပဲသိတယ်။ သူတို့ပြန်ထွက်သွားတော့မှ ဖတ်ပါတဲ့။

          ညိမ်းတို့အိမ်ကထွက်သွားတဲ့ သူတို့ကျောပြင်ခပ်သေးသေးတွေကို မကြည့်ရက်တော့လို့ အခန်းထဲမပြေးရုံတမယ်လှည့်ဝင်လိုက်တယ်။ ကုတင်ပေါ်ရောက်လို့ စာဖြန့်ကြည့်မိတော့ တစ်မျက်နှာမပြည့်တပြည့် မညီမညာလက်ရေးပေါင်းစုံကလေးတွေ…

“သို့/ချစ်သောဆရာမ ညိမ်းသုရင်
……………………………………………………………………………..
……………………………………………………………………………..
မှ/ မှတ်ကြီး၊ ပျော့ကြီး၊ လုံးလုံး၊ မေဇင် နှင့် ဘောကြီး” 

ညိမ်းမှာစာကိုဆုံးအောင်ဖတ်နိုင်တဲ့အင်အားမရှိသေး။ အပေါ်ဆုံးစာကြောင်းမြင်ကတည်းကမျက်ရည်ကျချင်နေပြီ။ အောက်ဆုံးစာကြောင်းကိုဖတ်မိတော့ မျက်ရည်စတွေနဲ့မို့ ဝေဝေဝါးဝါးသာမြင်လိုက်ရတယ်။ ရင်ထဲလှိုက်ကနဲဖြစ်သွားလို့ ခေါင်းကိုမော့ပြီးမျက်ရည်ကိုထိန်းလိုက်တော့ တိုင်ကပ်နာရီက ညနေခြောက်နာရီထိုးခါနီးပြီ။

----------------******----------------
----------------******----------------


ကျွန်မဆယ်တန်းအောင်စက ဆင်းရဲချို့ တဲ့ကြရှာတဲ့ ရပ်ကွက်ထဲက ကလေးတွေကို အခကြေးငွေမယူပဲ စာသင်ပေးခဲ့ဖူးပါတယ်။ သူတို့လေးတွေကို လွမ်းလို့ ဒီပို့စ်ကိုရေးပါတယ်။ ဇွန်လဆို ကျောင်းတွေလည်းဖွင့်တော့မှာမို့ သူတို့လေးတွေကျောင်းရောဆက်တက်ခွင့် ရမှရပါ့မလားရယ်လို့လည်းတွေးမိရင်း ပိုလွမ်းမိပါတယ်။ ဆင်းရဲတဲ့ဘဝထဲမှာ ရှင်သန်ကြရရှာတဲ့ သနားစရာ၊ ချစ်စရာ လိမ္မာရေးခြားရှိကြတဲ့ ကျွန်မရဲ့ ကျောင်းသား ကျောင်းသူကလေးတွေ နဲ့ ကျွန်မတို့ နိုင်ငံမှာရှိတဲ့ ကျောင်းတက်ဖို့ပြင်ဆင်နေကြတဲ့ ကျောင်းသူ၊သားများ အားလုံး နေခြည်မှာ ရွှေရည်လောင်းလို့ ငွားငွားစွင့်စွင့် ပွင့်လန်းနိုင်တဲ့ အနာဂတ်ရဲ့  ပန်းကောင်းကလေးများဖြစ်ကြပါစေလို့ပဲ ဆုတောင်းရင်း….။

35 comments:

  1. Great story :) CHEERS !!!!

    ReplyDelete
  2. Hi PPS,
    Thank you for spending time to read this post and dropping some lines here :)

    ReplyDelete
  3. ဝတ္ထုတိုလေး ဖတ်သွားပါတယ် ညီမ ပန်းချီ...၊ ချစ်စရာ ပုံကလေးနဲ့ အဖွဲ့အနွဲ့ကလေးပါ...:)

    ReplyDelete
  4. ပန်းကလေးများအားလုံး နေခြည်အောက်မှာ ရွှေရည်တောက်ပနိုင်ပါစေ..
    ချစ်စရာ ပန်းချီလေးနဲ့ ချစ်စရာဝတ္ထုလေးပါဘဲ ဆရာမတစ်ယောက်ရဲ့ ရင်ထဲက စေတနာမေတ္တာကို နားလည်ခံစားမိပါတယ်...

    ReplyDelete
  5. မမချစ်ကြည်..
    အချိန်ယူပြီး ဖတ်ပေးသွားတာ ကျေးဇူးအမျာာာာားကြီးတင်ပါတယ်း))
    ဟုတ်ကဲ့ ပန်းချီလေးက ချစ်စရာနော်းP

    ချောရေ..
    ချစ်စရာဆုတောင်းလေးအတွက် ကျေးဇူးအထူးတင်ပါတယ်..။
    ပေးတဲ့ဆုနဲ့လည်း ပြည့်စုံနိုင်ကြပါစေလို့ သူတို့အတွက် ထပ်မံဆုတောင်းပေးလိုက်ပါတယ်။

    ချစ်တဲ့

    ReplyDelete
  6. နှလုံးသားလှလှဆရာမလေးနဲ့ သနားစရာ ဘဝအကျိုးပေးနည်းရှာတဲ့ ကလေးလေးတွေအကြောင်း ဖတ်ရင်း မျက်ရည်စို့မိတယ်... ဟုတ်တယ်... ဒီကစာဖတ်သူလည်း ကလေးတွေရေးတဲ့စာကို ဖတ်ဖို့အင်အား မရှိသေးဘူး...

    မမပန်းချီရဲ့ နှလုံးသားကိုလည်း တလေးတစား ချစ်မိတယ်...

    ချစ်တဲ့
    Annoying Person

    ReplyDelete
  7. ပန်းချီလေးက တအားလှတာပဲ... အရမ်းကြိုက်တယ် မမပန်းချီ

    ReplyDelete
  8. ခံစားနားလည်ပြီး ဖတ်ပေးသွားတဲ့ ညီမလေးသူသူကို အများကြီးကျေးဇူးတင်ပါတယ်..ဟုတ်တယ် သူတို့ကလေးတွေ အကြောင်းတွေးမိတိုင်း မျက်ရည်လည်ရတယ်..။

    စကားမစပ်..။ ။ ကိုယ်ကတော့ သူသူ့ကို နှလုံးသားတင်မက လူကိုပါချစ်မိနေပြီ..(နိုင်ငံရေးတွေပါကုန်ပြီ..း))))))

    ပန်းချီလေးက တအာာာားလှတာ အဟုတ်ပဲလား...အဟက်..ဟက်းD

    ချစ်တဲ့

    ReplyDelete
  9. “ပန်းချီ” ဟုဆိုလျှင် ရှိသမျှသော ပန်းချီအားလုံးကို ဆိုလိုကြောင်း Default သဘောပေါက်စေချင်ပါသည်း))

    ချစ်ပါ ချစ်ပါ... ဒီမှာ ချစ်တဲ့သူ ရှားလွန်လွန်းလို့ ကျောက်သံပတ္တမြားလို စုနေရတာ (နိုင်ငံရေးဆက်ပြောသည်း)

    ReplyDelete
  10. ပါးစပ်စေ့မရတော့ဘူးဗျို့..အင်မတန်ရယ်ရအောင် လုပ်တတ်တဲ့သူ..။ သူသူ နဲ့ စကားရည်လုပွဲ ပြိုင်လို့ကတော့ ကိုယ်ကရှုံးပြီးသား..း))

    ဘယ့်နှယ့် ချစ်တဲ့သူရှားရမတုန်း..သူသူ့ဘေးမှာ ကျောက်သံပတ္တမြားတွေများပေါသောနေတာ..။ (နိုင်ငံရေးဆို အလွန်စိတ်ပါဝင်စားသည်း))))

    ReplyDelete
  11. ရည်ရွယ်ချက်ကောင်းမွန်သလို ကလေးတွေအပေါ်ဖြစ်လာတဲ့ သံယောဇဉ်၊ လောကဓံရဲ့ ရိုက်ခတ်မှုတွေကို မြင်ရစေတဲ့ ဝတ္ထုတိုလေးပါ။
    နောက်ဆုံးစာကြောင်းလေးထည့်ထားတာ သိပ်လှသွားတယ်။
    စာရေးကောင်းသူမို့ ဆက်ရေးဖို့ အားပေးပါတယ်။

    ReplyDelete
  12. အစ်ကိုမြစ်ကျိုးအင်း...
    ဖတ်ရှုဝေဖန်ပေးသွားတာ ကျေးဇူးအများကြီးတင်ပါတယ်..။ အားပေးလို့ အားလည်းရှိသွားပါပြီရှင်...း))

    ReplyDelete
  13. ဖဘမှာတော့ မိတ်ဆွေတွေပါ။ ဒါပေမဲ့ ဒီဘလော့ဂ်ကို အရင်က လာ မဖတ်ဖြစ်ခဲ့ပါ။ အခု ကိုမြစ်ကျိုးအင်း ရဲ့ ပိုစ်တခုမှာ ဒီ ဝတ္ထုတိုလေး ဒုတိယဆု ရတယ် ဆိုတာတွေ့လို့ လာဖတ်ကြည့်တာပါ။ ကိုယ်နေထိုင်ရာ လူ့အဖွဲ့အစည်းကို အကျိုးပြုနိုင်တာကြောင့် ရော့၊ ရင်ဘတ်နဲ့ ရေးထားတာ ကြောင့်ရော တကယ်ပင် ဆု ရထိုက်ပါပေသည်။ ဆက်လက်၍ စာကောင်း စာသန့်တွေ ရေးသား နိုင်ပါစေဗျာ.. ။

    ReplyDelete
  14. အစ်ကိုပြည်ကောင်းအောင်ရှင့်..

    အချိန်ပေးပြီး စာလာဖတ်သွားတဲ့အတွက်ရော ကာမန့်အတွက်ပါ ကျေးဇူးအများကြီးတင်ပါတယ်ရှင်။ ဖဘမှာမိတ်ဆွေတွေမှန်းသိရလို့လည်း ဝမ်းသာမိပါတယ်..။ ကျွန်မ ကြိုးစားပါဦးမယ်ရှင်း)

    ReplyDelete
  15. အရမ်းကောင်းတဲ့ ဝထ္ထုတိုလေးပါ။ ဆုရအောင် ကောင်းပါတယ်။ Congratulations !

    ReplyDelete
  16. ကျေးဇူးအများကြီးတင်ပါတယ် အစ်ကိုစန်းထွန်းရေ..း)

    ReplyDelete
  17. မမ .. အရမ်းကောင်းတာပဲ.. ၀တ္တုတိုလေးက .. ခုဖတ်ပြီး မျက်ရည်တောင် ၀ဲနေပြီ.. :(.. ဒီလောက်ကောင်းလို့လည်း ဆုရတာပေါ့လေ... ငါ့မမကွ.. :D

    ReplyDelete
  18. ရင်ထဲကို ထင်ဟတ်အောင် ဖတ်လိုက်ရလို့ ကျေးဇူးပါ

    နေခြည်လင်း တိုင်း ပန်းလေးတွေ လန်း ခွင့်ရပါစေလို့ ထပ်လောင်းဆုတောင်:သွားပါတယ်

    Face book လို like button လေး share button လေးရှိရင် click ချင် ပေ မဲ့

    ReplyDelete
  19. ညီမလေးကန်ဒီရေ..
    စာလာပြီးဖတ်သွားတာ ကျေးဇူးအများကြီးတင်ပါတယ်။ ကွတော့မကွပါရစေနဲ့း)))))

    mikozan...
    စာလာဖတ်တဲ့အတွက်ရော၊ ချစ်စရာဆုတောင်းလေးအတွက်ပါ ကျေးဇူးအထူးတင်ပါတယ်ရှင်..း)

    ReplyDelete
  20. ဒီက မျက်ရည် မခိုင်ဘူးကွယ်။ ပစ္စည်းဥစ္စာဘက်မှာ ကုသိုလ်ကံနည်းပေမဲ့၊ စေတနာပါတဲ့ ဆရာကောင်းနဲ့ တွေ့ရတဲ့ ကုသိုလ်ကံ ပါလာကြရှာပါပေတယ် လို့တွေးမိပါတယ်။

    ReplyDelete
  21. ၀မ်းသာဂုဏ်ယူမိပါတယ်ရှင်...

    ခင်တဲ့
    မလေး

    ReplyDelete
  22. မမသီတာရေ..
    စာအဟောင်းလေးလာဖတ်အားပေးသွားတာ ကျေးဇူးတင်ပါတယ်နော်။

    မလေးရေ..
    ဒီကလည်း မလေးစာလာဖတ်သွားလို့ ကျေးဇူးအထူးတင်ပါတယ်ရှင်း)

    ReplyDelete
  23. Congratulation!!!

    ReplyDelete
  24. ကလေးတွေကိုစေတနာမှန်နဲ့ပြုစုမျိုးထောင်ချင်တဲ့ ပန်းချီရဲ့စိတ်ကို အရန်းကိုချစ်ခင်လေးစားမိပါတယ် ပန်းချီရဲ့စိတ်ထဲမှာ ရှိတဲ့အတိုင်း ဒီဝထ္တုတိုလေးကပေါ်လွင်အောင်ပြနိုင်ပါတယ် ကျနော်ကိုယ်တိုင်ဒီလိုကလေးငယ်ဘဝမျိုးကလာခဲ့ရလို့လားမသိဘူး ပထမရသွားတဲ့ "မတ္တာဖြင့်မိုး နှလုံးသားနှင့်ကာ" ထက် ပိုမိုနှစ်ခြိုက်မိပါတယ် ပန်းချီ တို့လို ကလေးငယ်တွေကို မေတ္တာ မှန်နဲ့ပြုစုစောက်ရှောက်ကြမဲ့သူတွေများများပေါများလေ ကလေးငယ်တွေရဲ့အနာဂါတ်ပိုမိုလှပနိုင်ကြလေပါ

    ReplyDelete
  25. Anonymous...Thank you so much :)

    ကိုသက်လွင် ရေ..
    ကလေးတွေရဲ့ သနားစရာဘဝကို စာနာနားလည်ပေးသွားတဲ့ ကိုသက်လွင်ကိုလည်း လေးစားပါတယ်ရှင်။ စာလာဖတ်သွားတာကိုလည်း ကျေးဇူးအများကြီးတင်မိပါတယ်း)

    ReplyDelete
  26. ပန်းချီကားလေးကိုအရမ်းနှစ်သက်မိတယ် သာမာန်ကြည့်လိုက်ရင် ကလေးတယောက်ဆွဲထားသလိုထင်ရပေမဲ့ ကျနော့အမြင်မှာ အဓိပ္ပါယ်တွေပြည့်ဝနေသလိုပဲ ဓနိမိုးထရံကာတဲ့အိမ်ကြားထဲက ပန်းလေးတွေ ပွင့်ဖူး လာနေတယ်လို့မြင်မိပါတယ် ကျနော့ခံစားချက်ကပဲ စိတ်ကူးယဉ်ဆန်သွားသလား မသိဘူးနော် ပန်းချီကကောဘယ်လိုခံစားချက်နဲ့ဆွဲထားတာလဲ သိပါရစေ

    ReplyDelete
  27. ကိုသက်လွင် ရေ...
    မတတ်တခေါက်ဆွဲထားတဲ့ ကျွန်မရဲ့ပန်းချီကို နှစ်သက်တယ်ဆိုလို့ ကျေးဇူးတင်မိပါတယ်။ အစ်ကိုရဲ့ခံစားချက်နဲ့ လည်းသိပ်နီးစပ်ပါတယ်..ကျွန်မရဲ့ခံစားချက်ကတော့ အနာဂတ်ရဲ့ပန်းကောင်းကလေးတွေဟာ သေးနုတ်တဲ့အိမ် (ဒါမှမဟုတ်) ကျောင်းကလေးတွေကနေ ရေလောင်းပေါင်းသင်ပေးနိုင်မယ့် စေတနာ၊ မေတ္တာရှင် ဆရာ၊ ဆရာမတွေကြောင့် ငွားငွားစွင့်စွင့်ပွင့်လန်းလာနိုင်မယ့် နိမိတ်ပုံလေးပါ...း)

    ReplyDelete
  28. ဟိုခြစ်ဒီခြစ်လုပ်ထားတယ်လို့ထင်ယတဲ့ပန်းချီကလေးနဲ့စာဖတ်သူတွေမြင်အောင်အဓိပ္ပါယ် ဖော်နိုင်ပေးနိုင်တဲ့ပန်းချီပညာကိုအရန်းကိုလေးစားတယ် ဒီpost နဲ့လည်းအရန်းကိုလိုက်ဖက်ပါတယ် ကျနော်လည်းစာရေးတာဝါသနာပါပါတယ် www.myosatthit.com ကိုသွားဖတ်ကြည့်နော် ပန်းချီလိုစာအရေးအသားမကောင်းပေမဲ့ ရင်ဖတ်နဲ့ရေးထားတာပါ

    ReplyDelete
  29. မမ စာရေးတာကို အခုမှသိလို့ နောက်ဆုံးမှ ကွန်မင့် ပေးရ ပေ မဲ့ ထိပ်ဆုံးကကို အရမ်းကြိုက် ၊ ပတ်ဝန်းကျင် အားလုံးကို သိနေတော့ မျက်လုံးထဲမှာ အားလုံးကို မြင်ယောင်ပြီး ပိုခံစားရတယ်၊ မမ ပုံကိုမြင်လိုက်ရတော့ အံ့ဩပြီး စာဖတ်ကြည့်လိုက်တော့ အရမ်းအထင်ကြီး လေးစားသွားတယ်။မမ ဒီထက်ကောင်းတဲ့ စာတွေအများကြီး ရေးနိုင်ပါစေ။

    ချစ်တဲ့
    ကေခိုင်

    ReplyDelete
  30. ညီမလေးကေခိုင်..
    မနေ့ညက မက်ဆေ့ (ပထမဆုံးသတင်း) အတွက် ကျေးဇူးအများကြီးတင်ပါတယ် (မလှမပပုံကိုမှတ်မိနေတဲ့အတွက်လည်း အာဘွားနော်း))။ အချိန်ပေးပြီး စာလာဖတ်အားပေးတာကိုလည်း ဝမ်းသာကျေးဇူးတင်မဆုံးပါဘူးနော်..။ ပေးတဲ့ဆုနဲ့လည်း ပြည့်ပါရစေး)
    ချစ်တဲ့...


    ကိုသက်လွင်...
    ကျေးဇူးတင်ပါတယ်ရှင်..။ ကျွန်မလည်း အစ်ကို့ဆိုက်ဒ်ကိုသွားပြီး စာတွေဖတ်ခဲ့ပါတယ်...ရင်ဖတ်နဲ့ရေးထားတဲ့စာတွေဟာ အမြဲဖတ်လို့ကောင်းနေတာချည်းပါပဲ..ကျွန်မလည်း အရေးသိပ်ကောင်းတယ်ရယ်လည်း မဟုတ်ပါဘူးရှင်..ဝါသနာကိုတားမရလို့သား)))

    ReplyDelete
  31. နွေမိုးDecember 22, 2011 3:52 AM

    ဆရာမ မိုးပန်းချီ-ခင်ဗျား
    ကျွန်တော်ဟာ နွေမိုးအမည်နဲ့ အွန်လိုင်းဝက်ဆိုက်များပေါ်မှာ
    လေ့လာနေသူတစ်ဦးဖြစ်ပါတယ်။ စာရေးဆရာတစ်ဦးလည်းဖြစ်ပါတယ်။
    အခု ကျွန်တော်ဟာ အင်တာနက်နဲ့ပတ်သက်တဲ့စာအုပ်တစ်အုပ်ထုတ်ဝေဖို့
    စီစဉ်နေပါတယ်။ ထုတ်ဝေနေကျ နည်းပညာစာအုပ်မျိုးမဟုတ်ပါ။
    အင်တာနက်ဝက်ဆိုက်များနဲ့ နီးစပ်မှုမရှိ၊ ကျွမ်းဝင်မှုမရှိသေးသူများ
    အင်တာနက်ဝက်ဆိုက်များပေါ်က ဖော်ပြချက်များကို သိရှိခံစားနိုင်ဖို့ရည်ရွယ်ပြီး ထုတ်ဝေမယ့်စာအုပ်ဖြစ်ပါတယ်။ စာအုပ်အမည်ကို Paper Websiteလို့ပေးထားပြီး
    အမှတ်စဉ်တပ်ပြီး လစဉ် တစ်လတစ်အုပ်ထုတ်ဝေသွားမှာဖြစ်ပါတယ်။
    အဲဒီစာအုပ်လေးထဲမှာ ၀က်ဆိုက်များပေါ်က ကောင်းနိုးရာရာ၊ လူအများဖတ်သင့်တယ်
    လို့ယူဆရတဲ့ စာပေများကို ဖော်ပြသွားဖို့ စီစဉ်ထားပါတယ်။
    လူကြီးမင်းရဲ့ မိုးပန်းချီ--၀က်ဆိုက်မှာဖော်ပြထားတဲ့
    နေခြည်မှာရွှေရည်လောင်း-ကို နှစ်သက်တဲ့အတွက်
    ကျွန်တော်ထုတ်ဝေမယ့် Paper Websiteစာအုပ်မှာ ထည့်သွင်းအသုံးပြုခွင့်ပေးပါရန်
    ပန်ကြားအပ်ပါတယ်။ လောလောဆယ်တွင် စာအုပ်မှ အကျိုးအမြတ်ကို မျှော်လင့်၍မရပဲ
    အရှုံးခံထုတ်ဝေရမည်ဖြစ်၍ စာမူခချီးမြှင့်နိုင်မည်မဟုတ်ပါသဖြင့် နားလည်ခွင့်လွှတ်ပေးပါရန်
    တောင်းပန်အပ်ပါသည်။ စာအုပ်လက်ဆောင်ပေးပို့ပေးပါမည်။ စာအုပ်ပို့ပေးနိုင်ရန်
    လူကြီးမင်း၏လိပ်စာကို အောက်ပါအီးမေးသို့ပေးပို့ပေးပါရန် မေတ္တာရပ်ခံအပ်ပါသည်။

    nwaytamun@gmail.com

    စာအုပ်ပေးပို့ရန် အခက်အခဲရှိတဲ့နေရာဆိုရင် (ဥပမာ) နိုင်ငံခြားမှာနေသူဆိုရင်
    စာအုပ်ပီဒီအက်ဖိုင်ကို ပို့ပေးပါမယ်။

    နောက် ဆက်လက်ထုတ်ဝေမည့်စာအုပ်များတွင်လည်း
    ပုံနှိပ်ဖော်ပြရန်သင့်လျော်သည့် လူကြီးမင်း၏စာမူများကို
    မည်သည့်ဝက်ဆိုက်မှဖြစ်စေ အသုံးပြုခွင့်ပေးပါရန်နှင့် အသုံးပြုလိုပါက
    ခွင့်ပြုချက် ကြိုတင်တောင်းခံသွားမည်ဖြစ်ကြောင်း အသိပေးအပ်ပါသည်။

    ခင်မင်လေးစားစွာဖြင့်-
    နွေမိုး

    ReplyDelete
  32. ဆရာမ မိုးပန်းချီခင်ဗျား-
    ဆရာမရဲ့ နေခြည်မှာရွှေရည်လောင်း ၀တ္ထုတိုလေးကို အသုံးပြုချင် ကြောင်း အကြောင်းကြားစာအား အဆိုပါဝတ္ထုတို၏ ကွန်မန့်တွင် ရေးပြီး ခွင့်တောင်းထားပါသည်။ ဒီဇင်ဘာ၂၂ရက်နေ့ က ကွန်မန့်အဖြစ် ရေးတင်လိုက်ခြင်းဖြစ်ပါတယ်။ ကွန်မန့်တွေ သိပ်များလို့ ဆရာမ မဖတ်ရသေးဘူးထင်ပါတယ်။ ကျွန်တော့်စာလေးကို ပြန်ဖတ်ကြည့်ပြီး အကြောင်းပြန်ကြားပေးစေလိုပါတယ်ဆရာမခင်ဗျား။

    ReplyDelete
  33. နွေမိုးJanuary 02, 2012 3:57 AM

    ဆရာမ မိုးပန်းချီခင်ဗျား-
    ဆရာမရဲ့ နေခြည်မှာရွှေရည်လောင်း ၀တ္ထုတိုလေးကို အသုံးပြုချင် ကြောင်း အကြောင်းကြားစာအား အဆိုပါဝတ္ထုတို၏ ကွန်မန့်တွင် ရေးပြီး ခွင့်တောင်းထားပါသည်။ ဒီဇင်ဘာ၂၂ရက်နေ့ က ကွန်မန့်အဖြစ် ရေးတင်လိုက်ခြင်းဖြစ်ပါတယ်။ ကွန်မန့်တွေ သိပ်များလို့ ဆရာမ မဖတ်ရသေးဘူးထင်ပါတယ်။ ကျွန်တော့်စာလေးကို ပြန်ဖတ်ကြည့်ပြီး အကြောင်းပြန်ကြားပေးစေလိုပါတယ်ဆရာမခင်ဗျား။

    ReplyDelete
  34. ဆရာနွေမိုးရှင့်
    ကျွန်မခရီးလွန်နေတာကြောင့် အချိန်မီအကြောင်းမပြန်နိုင်ခြင်းအတွက် စိတ်မကောင်းဖြစ်ရပါတယ်။ မေးလ်ပို့ပြီးအကြောင်းပြန်ထားပါတယ်ရှင်။ ဒီဝတ္ထုတိုကိုအသုံးပြုနိုင်ကြောင်းပါ။ ခုလိုတကူးတကန့်လာရောက် ခွင့်တောင်းတဲ့အတွက်လည်း ကျေးဇူးတင်ပါတယ်ရှင်။

    လေးစားစွာဖြင့်
    မိုးပန်းချီ

    ReplyDelete
  35. Sis ရေ... မင်္ဂလာပါဗျာ...

    ဒီဆုရ ဝတ္ထုတိုလေးကို Myanmar Blogs Digest Page လေးမှာ ဝေမျှချင်လို့ ယူသွားလိုက်မယ်နော်. ခုလိုမျိုး အဓိပ္ပါယ်ပြည့်ဝတဲ့ စာပေလက်ရာလေးတွေ ဆက်လက်ဖန်တီးနိုင်ပါစေ...

    https://www.facebook.com/mmblogsdigest

    ခင်မင်လျက်

    Yan.

    ReplyDelete

ရင်ထဲရှိတာပြော..း)